Oku Pitulula Osikola Yupange Wakristão

Apulilo a kuãimo a ka tambuluiwa koku pitulula Osikola Yupange Wakristão vokuenda kuosemana 26 ya Cembanima yunyamo wo 2011.

1. Elungulo li sangiwa kelivulu Liolosapo 30:32 li tu kuatisa ndati oku yuvula oku wengula onyeño yomunu tua sumuisa? [w87-T 15/5 kem. 30 ocin. 11]

2. “Esanju” lipi li nena esumuo komunu? (Uku. 2:1) g-T 4/06 kem. 6 ovin. 1-2]

3. Ndaño omanu va sima okuti olondaka via Salomone vi sangiwa kelivulu Liukundi 3:1-9 vi eca elomboloko liokuti omunu lomunu vo sokiyila eci ci ka pita laye kovaso, ndamupi eye a lombolola ondaka yaco kelivulu Liukundi 9:11, poku lekisa okuti ovina viosi komuenyo ka via sokiyiwilile eci ci ka pita lavio kovaso yoloneke? [w09-T 1/3 kem. 4 ocin. 4]

4. Ohele yipi yi tunda koku kala ‘ukuesunga lia lua enene’? (Uku. 7:16) [w10-UB 15/10 kem. 9 ovin. 8-9]

5. Elivulu Ocisungo ca Salomone 2:7, li lombolola ndati okuti vana va yongola oku kuela va lekisa olondunge poku yuvula onjanga yoku nõla omunu va likuela laye? [w06-UB 15/11 kem. 19 ocin. 1; w80-T 15/10 kem. 11 ocin. 7]

6. Nye ci lomboloka omẽla wa Sulamita ‘oku nosa owiki u sõsa’ kuenda ‘owiki lasenjele kemẽhi lielimi liaye’? (Ocis. ca Sal. 4:11) [w07-UB 1/2 kem. 17 ocin. 6]

7. Olonduko viokuti “Ndunguli,” “Suku Eye Fũ” kuenda “Isia Kapui,” vi tu longisa nye catiamẽla kovituwa via Yesu kuenda kocikele caye voluali luokaliye? (Isa. 9:6) [w91-T 15/4 kem. 5 ocin. 7]

8. Koloneke vilo, velie va sokisiwa la va Isareli ‘ofeka ya tomba Suku,’ kuenda helie o ka kala “ohunya” ya Yehova oco a yi nyõle? (Isa. 10:5, 6) [ip-1 kem. 145 ovin. 4-5; kem. 153 ocin. 20]

9. Momo lie ka ca lelukile ku Isaya oku popia okuti vo Bavulono “ka mu tungiwa vali,” kuenda oku tẽlisiwa kuaco koloneke vilo ku tu ĩha ekolelo lipi? (Isa. 13:19, 20) [g-T 11/07 kem. 9 ovin. 4-5]

10. Otembo yipi Yesu a tambula “osapi yonjo ya Daviti,” kuenda o kasi oku talavaya ndati losapi yaco? (Isa. 22:22) [w09-UB 15/1 kem. 31 ocin. 2]