“Olonumbi vi Kuamiwa Vioku Eca Olorevista Kosaĩ . . . ”

Kohongele Yupange, osãi losãi, kua siata oku lingiwa onepa yoku eca olorevista. Ocimãho conepa yaco, ha ku pitululako ovipama viosi vi sangiwa volorevista. Pole, onepa yaco ya sokiyiwila oku lombolola ovisimĩlo tu sukila oku kuata poku eca olorevista. Manji o linga onepa yaco, eca alomboluilo a teta onimbu oco a tiamisile utima wolonjeveleli kovina vi sangiwa vorevista. O tukula ocipama cimue corevista yaco oco akundi va kuame alomboluilo aye, loku sokolola olondaka va ka popia poku eca olorevista viaco. Noke o laleka olonjeveleli oco vi ece alombuilo avo poku tukula ovina vi ka vetiya onjongole yomanu vocikanjo. O pulisavo ocisonehua cimue va yongola oku tanga. Kuenje, korevista lorevista, ku lingiwa ocindekaise cimue. Omo liaco, onjanja lonjanja eci tu tambula olorevista, tu vetiyiwa oku vi tanga oco tu ece alomboluilo awa. Nda vosi yetu tua lipongiya ciwa, onepa yaco yi ka tu kuatisa oku lipamisa pokati.—Olosap. 27:17.