Nye o ka Linga Koloneke Viepuyuko?

Omo okuti koloneke viaco omanu ka va endi kupange woku sanda eteku, linga esokiyo lioku enda kupange woku kunda. Omo liaco, akongelo a vetiyiwa oku linga esokiyo liwa oco vamanji va ece uvangi koloneke viaco viepuyuko. Nda omanu valua vocikanjo ka va kuete ocituwa coku pekela selo, ca sunguluka oku linga ohongele yupange woku kunda vepuluvi lina liecelela oku va sanga okuti, va pasuka ale. Kohongele Yupange, ku eciwe esapulo liokuti, kua lingiwa eliangiliyo lilikasi lioku eca uvangi keteke liepuyuko, kuenda vosi va vetiyiwa oku panga onepa keliangiliyo liaco. Vokuenda kuoloneke viaco, tu pondola oku puyuka kuenda oku linga ovina vikuavo tu yongola. Pole, momo lie ku sokiyila oku enda kupange woku kunda? Nda wa ci linga o kuata esanju li tunda koku linga upange u kola.—Mat. 11:29, 30.