Ceci o Linga Nda o ku Tambula Pepito Omõla

Nda okuti wa tu tambula pepito omõla, tu sukila oku u pinga oco tu sapele lolonjali viaye. Poku ci linga tu lekisa esumbilo kocikele cavo coku songuila. (Olosap. 6:20) Nda omõla wa tu laleka oku iñila, ka citava okuti tu ci linga. Nda ka tu pondola oku sapela lolonjali, tu sukila oku tiuka kelivala likuavo.

Nda okuti wa tu tambula pepito umalẽhe, ca sungulukavo oku u pinga oco tu sapele lolonjali viaye. Nda ka citava oku sapela lavo, tu u pula ndoco: ‘Olonjali viove via siata oku ku ecelela oku nõla eci o yongola oku tanga’? Nda wa tambulula hati oco, tu eca kokuaye elivulu limue kuenda tu sapela laye catiamẽla konumbi yetu yo Internet, jw.org.

Eci tu tiuka oku linga epasu kokuaye, tu sukila oku lekisa onjongole yoku kũlĩha olonjali viaye. Momo oku ci linga ci tu ĩha epuluvi lioku sapuila kolonjali ocimãho cepasu lietu loku lekisa kokuavo okuti olonumbi Viembimbiliya via koleliwa kuenda vi kuatisa epata. (Osa. 119:86, 138) Ci kuete esilivilo oku lekisa esumbilo kolonjali. Momo oku ci linga, ci ka eca uvangi uwa kuenda va ka kuata onjongole yoku lilongisa catiamẽla ku Yehova.​—1 Pet 2:12.