Ocinjonde Cimue ci Pamisa Ekolelo

9:1-7

Vokuenda kuocinjonde, sokolola esanju Yesu a kuata eci a yeva Isiaye wo kilu wa popia hati, wo sanjukila. Ocili okuti, olondaka viaco via kuatisa Yesu oku pandikisa kohali a laikele oku pita layo. Ocinjonde caco ca pamisavo Petulu, Tiago kuenda Yoano. Momo oco ca situlula okuti Yesu eye Mesiya kuenda poku u kuama va nõla onjila ya sunguluka. Noke yoku pita 32 kanyamo, Petulu handi wa ivaluka ndomo ocinjonde caco co kuatisa oku kolela ‘kolondaka viovaprofeto.’—2 Pet. 1:16-19.

Ndaño okuti ka tua muĩle ocinjonde caco ci komohĩsa, pole, tu lete oku tẽlisiwa kuaco. Yesu o kasi ale oku viala Ndosoma ya velapo. Ndopo eye o ka “tẽlisa oku yula kuaye,” loku nena oluali luokaliye luesunga.—Esit. 6:2.

Ekolelo liove lia siata oku pamisiwa ndati poku mola oku tẽlisiwa kuovitumasuku Viembimbiliya?