‘Liwekipo Oku Fendela Olosuku Viesanda’

Yakoba wa kũlĩhĩle okuti Yehova eye lika o sesamẽla oku fendeliwa, ndaño okuti kotembo yaco Yehova handi ka tumbikile ocihandeleko cimue catiamẽla kefendelo liesanda. (Etu. 20:3-5) Kuenje eci Yehova a sapuila Yakoba oco a tiukile ko Betele, Yakoba wa sapuila omanu vosi va kala laye oco va nyõle oviteka viavo. Noke Yakoba wa nyõla oviteka, oku kongelamo ovingelengele vina okuti via enda oku sokisiwa ndolosuku. (Efet. 35:1-4) Ka kuli atatahãi okuti, Yehova wa sanjukila ocituwa ca Yakoba.

Koloneke vilo, tu pondola ndati oku eca esivayo lisesamẽla lika Yehova? Tu ci linga poku yuvula ovina viatiamẽla koviteka ale kumbanda. Vovina viaco, mua kongela oku nyõla ovikuata viosi viatiamẽla kumbanda kuenda oku konomuisa lutate ovitalukilo tu nõla. Ndeci, lipula ndoco: ‘Anga hẽ ndi sole olofilme vi lekisa olondele? Anga hẽ olomapalo viange vi lekisa ovina viatiamẽla koku tãha, kumbanda ale koku siñala, ndocitalukilo cimue ca sunguluka?’ Tu sukila oku yuvula ovina viosi Yehova a suvuka.—Osa. 97:10.

TALA OVIDEO LOSAPI HATI, “TAMALALI LELIAPU,” KUENDA TAMBULULA APULILO AKUÃIMO:

• 

  Ocitangi cipi ondonge yimue Yembimbiliya o tukuiwa hati, Palesa a kala oku liyaka laco?

• 

  Momo lie ci kuetele esilivilo oku pinga ekuatiso kakulu vekongelo nda okuti ove ale omunu umue wa siata oku longisa Embimbiliya, vu kasi oku liyaka locitangi catiamẽla kolondele?

• 

  Nda tu yongola eteyuilo lia Yehova, nye tu sukila oku imbapo?

• Onjila yipi Palesa a nõlapo?

• Pocitumãlo o kasi, ovina vipi o pondola oku linga oco o yuvule ovina viatiamẽla kolondele?