Epindiso li Situlula Ocisola ca Yehova

Epindiso li kuete esilivilo koku pindisa kuenda koku eca onumbi. Pole, li kuetevo esilivilo koku pengulula ale oku kangisa omunu umue. Yehova o tu pindisa oco tu u vumbe lonjila ya sunguluka. (Va Rom 12:1; Va Hev 12:10, 11) Olonjanja vimue, epindiso li kala ndu okuti ocina cimue cĩvi. Pole, olio li tu kuatisa oku sanjuisa Yehova loku tambula asumũlũho aye. (Olosap 10:7) Omunu eca epindiso kuenda una o li tambula, nye va sukila oku ivaluka?

Ceci umue a eca epindiso. Akulu vekongelo, olonjali kuenda omanu vakuavo, va sukila oku likolisilako oku pindisa lohenda kuenda locisola, poku setukula Yehova. (Yer 46:28) Ndaño muẽle epindiso limue lia kãla, te lieciwa lonjila yimue okuti ya pita pokati kuenda li vetiyiwa locisola.—Tito 1:13.

Ceci umue a tambula epindiso. Omunu waco o sukila oku tava kepindiso kuenda oku linga lonjanga apongoloko a sukiliwa. (Olosap 3:11, 12) Omo okuti vosi yetu ka tua lipuile, tu sukila epindiso li yilila volonjila via litepa. Ndeci, tu pondola oku pindisiwa leci tu tanga Vembimbiliya ale ceci tu yeva kolohongele. Ale vamue va sukila oku pindisiwa lakulu va panga onepa kocisoko cesombiso. Nda tua tava kepindiso lia Yehova, tu kuata esanju cilo kuenda kovaso yoloneke.—Olosap 10:17.

TALA OVIDEO LOSAPI HATI, “YEHOVA O PINDISA UNA A SOLE” KUENDA TAMBULULA APULILO AKUÃIMO:

• 

  Omuenyo wa manji Canon wa fetika ndati kuenda wa pongoloka ndati?

• 

  Epindiso lipi liocisola manji Canon a tambula oco a tiuke ku Yehova?

• 

  Nye wa lilongisila kulandu wa manji Canon?