Pongiya Utima Wove Osimbu Kua Fetikile Oku Lilongisa

Eci tu lilongisa Embimbiliya tu yongola okuti ovisimĩlo via Yehova vi vetiya utima wetu. Esera wa sia ongangu yiwa yeci tu sukila oku linga, poku ‘pongiya utima oco tu kũlĩhĩse Ocihandeleko ca Yehova.’ (Esera 7:10) Tu pongiya ndati utima wetu?

Likutilila. Osimbu kua fetikile oku lilongisa, likutilila. Pinga ku Yehova, oco a ku kuatise oku kuata elomboloko kuenda oku kapako eci wa lilongisa.—Osa. 119:​18, 34.

Lekisa umbombe. Suku ka situluila ocili caye ku vana okuti vakuepela haivo va litenda okuti, ka va sukila ekuatiso liaye oco va kuate elomboloko Liembimbiliya. (Luka 10:21) Omo liaco, tu sukila oku yuvula oku lilongisa locimãho coku komõhisa vakuetu. Eci o lilongisa ocipama cimue kuenje o limbuka okuti o sukila oku linga apongoloko komuenyo wove, lekisa umbombe kuenda linga apongoloko a sukiliwa.

Yevelela ocisungo cimue Cusoma. Ocisungo ci kuete unene walua woku pongiya utima wetu oco tu fendele Yehova. Omo liaco, nda tu yevelela ocisungo cimue osimbu ka tua fetikile oku lilongisa, ci ka tu kuatisa oku tiamisila utima ku Yehova, loku vetiyiwa lovina tua lilongisa.