Ocipama 8

Velie Hẽ Anyali Va Suku?

Unyali watete wa Suku Satana Eliapu. Eye ukuespiritu una wañualelapo Yehova. Satana wamamako okuliyaka la Suku kuenda eci canena ovitangi vialua komanu. Satana eye ondingavĩ. Eye ohembi kuenda omondi.​—⁠Yoano 8:⁠44.

Ovangelo vakuavo valitokeka la Satana oku ñualelapo Suku. Embimbiliya livatukula okuti olondele. Ndeci Satana, olondele anyalivo vomanu. Lovo vasolevo oku talisa ohali omanu. (Mateo 9:​32, 33; 12:22) Yehova okanyola Satana kuenda olondele viaye okuti lalimue eteke vaka kalako vali. Ovo vakuete ño okatembo kamue katito kava kambelako lokutalisa ohali omanu.​—⁠Esituluilo 12:⁠12.

Nda oyongola oku kala ekamba lia Suku, ku kalinge eci Satana ayongola okuti nda oco ove olinga. Satana kuenda olondele viaye vakuetele esuvu Yehova. Ovo anyali va Suku, kuenda vayongolavo oku kulingisa unyali wa Suku. Citava okuti ove onola pokati kavo helie oyongola oku sanjuisa​—⁠Satana ale Yehova. Nda oyongola omuenyo ko pui, opondola oku nolapo oku linga onjongole ya Suku. Satana okuete atutu alua kuenda olonjila vioku kembisamo omanu. Onepa yalua yomanu vakasi oku tekela kokuaye.​—⁠Esituluilo 12:⁠9.