Ovo va Yevelela Satana​—Onima Yipi va Kuata?

Adama la Heva ka va pokuile ku Suku, kuenje va fa.​—Efetikilo 3:6, 23

Heva wa yevelela kondaka yonyoha, kuenje, wa lia kepako lina vo handelekele okuti, ka citava oku liako. Noke, wa ecavo epako liaco ku Adama, kuenje wa liako.

Ovo va linga eci cĩvi, momo va linga ekandu. Noke, Suku wa va tundisa Vocumbo va kala.

Ovo kumue lomãla vavo, va liyaka lovitangi vialua komuenyo. Noke, va kuka, kuenje va fa. Ovo ka va endele kocitumãlo cimue cespiritu; omuenyo wavo wa sulila.

Ava va fa ka va kasi vali lomuenyo, va kasi ndoneketela.​—Efetikilo 3:19

Vosi yetu tu fa, momo tua tunda kombuto ya Adama la Heva. Ava va fa, ka va pondola oku mola cimue, oku yeva olondaka, ale oku linga cimue.​—Ukundi 9:5, 10.

Yehova ka yonguile okuti, omanu va fa. Ndopo o ka pindula vana va fa. Nda va yevelela kokuaye, va ka kala otembo ka yi pui.