ONEPA 7
Yesu wa Kala Elie?
Yehova wa tuma Yesu palo posi.—1 Yoano 4:9
Nda tu yongola oku sanjuisa Yehova, tu sukila oku yevelela omunu ukuavo wa velapo. Osimbu Yehova ka lulikile Adama, tete wa lulika ungelo umue wa velapo kilu.
Noke, Yehova wa tuma omunu waco oco a citiwe ko Beteleme lufeko umue o tukuiwa hati Maria. Omõla waco wa lukiwa hati, Yesu.—Yoano 6:38.
Eci Yesu a kala palo posi wa lekisa ciwa ovituwa via Suku. Eye wa kala ukuesunga, ukuacisola, kuenda wa lianjele lomanu vosi. Handi vali, wa kuata utõi woku longisa omanu ocili catiamẽla ku Yehova.
Yesu wa linga ovina viwa, pole, wa suvukiwile lomanu.—1 Petulu 2:21-24
Ovitunda viatavo via suvukile Yesu, momo wa situlula alongiso avo esanda, kuenda ovilinga viavo vĩvi.
Yesu wa sakulavo olombeyi, kuenda wa pindula omanu va fa.
Ovitunda viatavo va vetiya va Roma oco va tipule Yesu loku u ponda.