ONEPA YATÃLO

Tiukili “Kungombo Wovitima Viene Haeye Ukuaku vi Lava”

O tẽla hẽ oku lombolola ovitangi vimue via tukuiwa vombrochura yilo? Nda o ci tẽla, ciwa. Afendeli valua va Suku, ci kale kosimbu ale koloneke vilo, va kuatelevo ovitangi vimuamue. Ndeci ovo va tambula ekuatiso ku Yehova oco va yule ovitangi viaco, ove o pondolavo oku kuatisiwa.

Eci o tiuka ku Yehova eye o ku tambula

KOLELA okuti eci o tiuka ku Yehova eye o ku tambula. Eye o ku kuatisa oku liyaka lasakalalo, oku yula evalo kutima, kuenda oku sanga ombembua yi tunda koku kuata utima u yela. O vetiyiwavo oku vumba Yehova kumue lafendeli vakuavo. Ocitangi cove ci sokisiwa leci Cakristão vo kocita catete, vana upostolo Petulu a sonehela hati: “Wa kaili loku tungayala ndolomeme, kaliye puãi, wa tiukili kungombo wovitima viene, haeye ukuaku vi lava.”—1 Petulu 2:25.

Oku tiuka ku Yehova oco ocina ca velapo o pondola oku linga. Momo lie? Momo o ka sanjuisa utima wa Yehova. (Olosapo 27:11) Ndomo wa ci kũlĩha, ovilinga vietu vi pondola oku sanjuisa ale oku sumuisa Yehova. Ocili okuti Yehova ka tu kisika oku u sola, ale oku u vumba. (Esinumuĩlo 30:19, 20) Onoño yimue ukuakukonomuisa Embimbiliya ya lombolola ndoco: “Lomue o tẽla oku ku yikuilako utima wove. Te wa ci linga ove muẽle.” Nda tua fendela Yehova lutima weyuka ocisola, tu pondola oku nõla oku yikula epito liaco. Nda tua ci linga, tu u wĩha ombanjaile yimue yi kuete esilivilo okuti epandi lietu, kuenda tu sanjuisa calua utima waye. Omo liaco, lacimue ci sokisiwa lesanju tu kuata poku eca ku Yehova efendelo eye a sesamẽla.—Ovilinga 20:35; Esituluilo 4:11.

Manji umue ukãi okuti wa liwekelepo oku kunda loku endaenda kolohongele vamanji vo tambula lesanju

Eci o fetika oku linga vali ovopange Akristão, ovina o sukila konepe yespiritu vi suapo. (Mateo 5:3) Ndamupi? Omanu voluali va siata oku lipula vati: ‘Momo lie tu kasilili komuenyo?’ Ovo va sandiliya atambululo kapulilo atiamẽla kocimãho comuenyo. Omanu va kuete esukila liaco momo Yehova wa va lulika lonjongole yaco. Eye wa tu lulika lonjila yimue okuti tu sanga esanju koku u vumba. Ka kuli esanju lia velapo okuti eli li tunda koku kũlĩha okuti tu fendela Yehova locisola ci sule.—Osamo 63:1-5.

Kũlĩha okuti Yehova o yongola okuti ove o tiuka kokuaye. O ci kũlĩha ndati? Kũlĩhĩsa: Ombrochura yilo ya pongiyiwa lolohutililo vialua. Cilo o kuete ombrochura yaco omo pamue ukulu umue wekongelo ale manji ukuavo eye wa ku ĩha. Noke wa vetiyiwa oku yi tanga kuenda oku kapako esapulo liaco. Cosi eci, uvangi wokuti Yehova ka ku ivalele. Puãi, eye o kasi oku ku koka kokuaye.—Yoano 6:44.

Tu lembelekiwa poku kũlĩha okuti Yehova lalimue eteke a ivalako afendeli vaye va nyelela. Eci oco manji umue ukãi o tukuiwa Donna a sola. Eye wa popia hati: “Nda tinduka vocili kamue kamue, pole, noke nda sokolola olondaka vi sangiwa kelivulu Liosamo 139:23, 24, li popia ndoco: ‘Ñulĩhise, a Suku. Kũlĩha utima wange. Seteke. Kũlĩha ovisimĩlo viange, hu vanji nda ñasi lovituwa vievĩho. Songuile vonjila ka yi pui.’ Kuenje nda limbuka okuti sia tiamẽlele koluali, kuenda nda kũlĩha okuti ndi sukila oku tiamẽla kocisoko ca Yehova. Nda fetika oku limbuka okuti Yehova lalimue eteke a ka ndi yanduluka; nda sukilile lika oku sanda onjila yoku tiuka kokuaye. Kaliye nda sanjuka omo oco nda linga!”

“Nda fetika oku limbuka okuti Yehova lalimue eteke a ka ndi yanduluka; nda sukilile lika oku sanda onjila yoku tiuka kokuaye”

Tu likutilila okuti ove o kuata vali “esanju lioku sanjukila Yehova.” (Nehemiya 8:10) Ove lalimue eteke o ka livela omo lioku tiuka ku Yehova.

Atambululo Kapulilo Atiamẽla Koku Tiuka ku Yehova

NDI FETIKA NDATI?

Omunu wa kuatiwile luvei pamue o sukila oku fetika oku linga vali ovopange aye kamue kamue. Cimuamue haico, o pondola oku pama vali kespiritu poku seteka oku litekula kamue kamue lokulia kuespiritu eteke leteke. Ku ka sime okuti o tẽla oku linga ovina viosi vonjanja yimosi. O pondola oku pesela akukutu amue poku tanga, ale oku yevelela oku tangiwa Kuembimbiliya kua ngalavaliwa, oku lilongisa limue pokati kalivulu etu, oku konomuisa onumbi yetu yo Internet jw.org, or watching one of the programs broadcast on tv.jw.org. Setekavo oku enda kohongele yimue yekongelo. Ca velapo vali, likutilila ku Yehova loku pinga ekuatiso liaye. “Ohele yene yosi yi yeki kokuaye momo eye o vu lava.”—1 Petulu 5:7.

“Eci nda liwekapo oku enda kolohongele kuenda kupange woku kunda, nda kala losõi yoku likutilila. Eci nda kuata utõi woku likutilila, ukulu umue wekongelo weya konjo yange. Eye wa ndi kuatisa oku limbuka okuti Yehova ka ndi yandulukile. Ukulu wekongelo wa ndi vetiya oku fetika oku tanga Embimbiliya eteke leteke. Eci nda ci linga, nda kuata ongusu yoku fetika oku endaenda vali kolohongele. Noke nda fetikavo oku endaenda kupange woku kunda. Nda sanjuka omo lioku kũlĩha okuti Yehova ka ndi yandulukile.”—Eeva.

EKONGELO LI KA NDI TAMBULA NDATI?

Kolela okuti vamanji vekongelo va ka ku yolela lesanju. Ovo ka va ka ku pisa, puãi va ka lekisa ocisola va ku kuetele, kuenda va ka linga cosi ci kasi vepondolo liavo oco va ku lembeleke.—Va Heveru 10:24, 25.

“Nda kala lohele yoku enda Vonjango Yusoma. Nda sokolola ndomo akamba vange va ka ndi tata. Manji umue ukãi okuti ukulu wendamba haeye o kasi vekongelo ci soka 30 kanyamo wa ndi sapuila hati: ‘Amõlange, wa linga muẽle weya!’ Eci ca sanjuisa utima wange. Nda limbuka okuti ñasi konjo.”—Javier.

“Nda endele Vonjango Yusoma, kuenje nda tumãla kolomangu via sulako oco lomue ka ka ndi limbuke. Pole, vamue va fetika oku ndi limbuka, momo nda endaenda kolohongele tunde eci nda kala omõla. Ovo va ndi yolela lesanju, va ndi pupola kapepe kuenda nda yeva ombembua vutima. Nda liyeva ndu okuti ñasi konjo.”—Marco.

AKULU VEKONGELO VA KA NDI KUATISA NDATI?

The elders will treat you kindly. They will commend you for your desire to rekindle “the love you had at first.” (Revelation 2:4) They will mercifully help you to correct any mistakes you have made, doing so “in a spirit of mildness.” (Galatians 6:1; Proverbs 28:13) The elders may arrange for someone to conduct a study with you, perhaps in a publication such as Sanjukili Omuenyo Otembo ka yi Pui! ale “Kali Vocisola ca Suku.” Kolela okuti akulu vekongelo va ka ku lembeleka kuenda va ka ku kuatisa kolonepa viosi.—Isaya 32:1, 2.

“Vokuenda kuanyamo ecelãla nda liwekapo oku kunda kuenda oku endaenda kolohongele, akulu vekongelo va amamako oku ndi sandiliya. Eteke limue ukulu umue wekongelo wa ndi lekisa elitalatu tuopile. Elitalatu liaco lia ndi ivaluisa ovina vialua viwa kuenda esanju nda kuatele osimbu nda kala oku vumba Yehova. Akulu vekongelo va ndi kuatisa oku tumbulula ekalo liange kespiritu.—Victor.”

“Eye o vu Pamisi”

Velivulu lietu liovisungo ‘Tu Imbili Yehova’ Lesanju, muli ovisungo vialua vi pondola oku ku lembeleka kuenda oku ku pamisa osimbu o tumbulula ekalo liove kespiritu. Kũlĩhĩsa olondaka viocisungo letendelo 38. Oco ca kunamẽla kolondaka vi sangiwa kelivulu 1 Petulu 5:10, ocisungo caco ci kuete osapi hati, “Eye o vu Pamisi.”

Yehova wa ku situluili ocili

Vowelema woluali wa kupi.

Wa mola onjongole yutima wene

U sandi poku linga ño ciwa.

Loku linga ocipango caye;

Otembo yosi o ku kuatisi.
Suku waca Omõlaye wa soliwa;

Lonjongole yoku sumũlũisi.

Ka likalele okueca Omõlaye,

Ko ka kuati vali ocinjoko.

Eye ka sipo vakuekolelo;

Suku o tata omanu vaye.

(ETAVIYO)

Yehova wa ku landi, losonde ya Yesu.

Eye u kanguli, loku vu pamisa.

Oku songuili kuenda, o ku vetateli.

Eye u kanguli, loku vu pamisa.

Oco o yevelele ocisungo eci kuenda ovisungo vikuavo Viusoma, tala PUBLICAÇÕES > MÚSICAS.