ELILONGISO 11

Vangula Lesanju

Va Roma 12:11

CECI O SUKILA OKU LINGA: Vangula lesanju oco omanu va sanjukevo.

Sanjukila ulandu wove. Osimbu o pongiya ocipama cove, sokolola kesilivilo liesapulo liove. O sukila oku kũlĩha ciwa ulandu waco oco o u lombolole volondaka viove muẽle.
Sokolola kolonjeveleli. Sokolola ndomo ulandu waco u ka kuatisa omanu. Sokololavo ndomo o ka pitiya ulandu lonjila yimue okuti, omanu va kuata elomboloko liwa loku u sanjukila.
Linga onepa yove lonjila yi lomboloka. Vangula lesanju. Oku ilaika kuove lolondimbukiso viove pupolo, te vi situlula okuti vi tunda kutima.

Oku kuata ocituwa coku lekisa olondimbukiso vimuamue, ci taluisa omanu. Linga olondimbukiso vi likuata leci o kasi oku vangula. Vangula lesanju ca pĩala enene poku longisa atosi a velapo loku vetiya vana va ku yevelela. Pole, esanju liaco te li pita pokati, sanga o kavisa omanu.