“Otembo ya Tukuiwa” yi Kasi Ocipepi

NDECI ca pita luprofeto Havakuki, olondonge via Yesu via yonguilevo oku mola esulilo liohali. Omo lioku kũlĩha eci Usoma wa Suku uka linga poku mãlako ovitangi viosi vi kasi voluali, va pula Yesu hati: “Eteke li pi ovina evi vi lingiwa? Ondimbukiso yokutukuluka kuove [vunene Wusoma] ye? Londimbukiso yesulilo lioluali ye?” (Mateo 24:3) Yesu poku va tambulula, wa va sapuila okuti Yehova Suku eye lika wa kũlĩha otembo Usoma uka viala oluali. (Mateo 24:36; Marko 13:32) Pole, Yesu kuenda vakuavo va lombolola ovitangi vimue vika pita voluali vi lekisa okuti otembo yaco yi kasi ocipepi.—Tala vokakasia konele yondio.

Ove hẽ, ku tava okuti ovitangi viaco vi kasi oku pita koloneke vilo? Yesu wa lombolola okuti, voluali muka kala upange umue woku longisa omanu. Eye wa popia hati: “Ondaka eyi yiwa yusoma yi kundilua kuoha koluali, ha yi lingi uvangi kolofeka viosi, oco esulilo liya noke.”—Mateo 24:14.

Upange waco u kasi oku lingiwa koloneke vilo. Olombangi via Yehova via litumbika koku linga upange waco. Kueci ci soka 236 kolofeka, ci pitahãla ohulukãi yolohulukãi epanduvali Kolombangi via Yehova, vi kasi oku sapuila omanu eci Usoma uka linga. Ovo va kasi oku kuatisa omanu oco va pokole kolonumbi viwa via Suku, una oka malako ohali kuenda evalo. Omo liaco, nda wamamako oku lilongisa eci catiamẽla Kusoma, oka kuata elavoko lioku kala otembo ka yi pui voluali lumue okuti ka muli ohali.

[Okakasia kemẽla 15]

Ovisonehua Vina vi Lombolola Oloneke Via Sulako

MATEO 24:6, 7; ESITULUILO 6:4

• Ovoyaki

MATEO 24:7; MARKO 13:8

• Ovilemawe vinene

• Onjala yalua

LUKA 21:11; ESITULUILO 6:8

• Afengi

MATEO 24:12

• Oku livokiya kuevĩho

• Oku tepuluka kuocisola

ESITULUILO 11:18

• Oku nyõla ilu lieve

2 TIMOTEO 3:2

• Oku sola calua olombongo

• Oku tomba olonjali

• Oku lisola ovo muẽle

2 TIMOTEO 3:3

• Ekambo liocikembe la vakuavo

• Omanu va linga vakuamanya

• Ka va tẽla oku likandangiya

• Ka va sole eci ciwa

2 TIMOTEO 3:4

• Oku sola calua esanju okuti Suku ci sule

2 TIMOTEO 3:5

• Valua va limolehisa ndu okuti Akristão vocili

MATEO 24:5, 11; MARKO 13:6

• Ovaprofeto valua vesanda

MATEO 24:9; LUKA 21:12

• Oku suvukiwa Kuakristão vocili

MATEO 24:39

• Omanu ka va kapiko alungulo Embimbiliya

[Elitalatu kemẽla 15]

Olombangi via Yehova koluali luosi, vi longisa vakuavo catiamẽla Kusoma wa Suku