Ceci o Sukila Lonjanga Alivulu Kalimi Akuavo

Olonjanja vimue tua siata oku sanga omanu va yongola oku tanga alivulu etu valimi akuavo, pole vociseleko cekongelo lietu ka muli alivulu aco. Ove hẽ wa kũlĩha okuti, nda o kuete onumbi yo Internet kuenda omakina yoku kopiala, o pondola oku kuata alivulu kueci ci pitahãla 400 kalimi a litepa? Ci lingiwa ndomo:

• Citava oku iñila vonumbi yetu yo Internet, www.watchtower.org.

• Konele yondio, kuli ulala walimi a litepa. Toma vociluvialuvia ci kasi londimbukiso yongongo, oco o sange ulala walimi osi a kuete alivulu a sandekiwa.

• Sandiliya elimi o yongola. Noke kuiya ulala umue u lekisa alivulu o pondola oku kopiala ndeci, olotratadu, olombrochura, kuenda ovipama vikuavo. Omo okuti ulala waco wa sonehiwa velimi wa nõla, ku ka yokoke nda kua limbukile olosapi viovipama viaco.

• Nõla elivulu o yongola. Ulandu waco u moleha vo komputador yove, kuenje citava oku tuma ulandu waco vomakina yoku kopiala.

Vonumbi yetu muli lika alivulu amue, pole, alivulu akuavo a sangiwa vekongelo. Nda ove wa sanga omunu umue o yongola oku lilongisa, o sukila oku pinga alivulu komesa yalivulu vekongelo.