‘Ocinyi Cene ci Taime’
1. Esumũlũho lipi tu kuete?
1 Tunde poku tunda kuekumbi toke poku iñila kualio, ocinyi ceca esivayo ku Yehova Suku. Pole, Yesu wa tukula ocinyi cikuavo olondonge viaye via sukilile oku kuata okuti ‘ocinyi comuenyo.’ (Yoa. 8:12) Oku kuata ocinyi caco konepa yespiritu, esumũlũho lia velapo, pole mua kongela ovikele vialua. Oco ci kuatise omanu vakuavo, Yesu wa popia hati: “Ocinyi cene ci taimile ndoco kovaso omanu.” (Mat. 5:16) Omo oluali lu kasi vowelema wespiritu, ocinyi ci sukila oku taima cilo momo kuli esukila lialua! Tu taimisa ndati ocinyi cetu ndeci Kristu a linga?
2. Yesu wa lekisa ndati esilivilo lioku eca ocinyi cespiritu?
2 Poku Kunda: Yesu wa pesela otembo, ongusu, kuenda ovokuasi, oco omanu va kũlĩhe ocinyi condaka ya Suku kolonjo viavo, volokololo, kolomunda kuenda kovitumãlo viosi ovo va sangiwile. Eye wa limbukile esilivilo lioku eca ocinyi cespiritu. (Yoa. 12:46) Oco va tuise ocinyi komanu valua, Yesu wa pindisa olondonge viaye oco va kale ‘ocinyi coluali.’ (Mat. 5:14) Ovo va taimisa ocinyi cavo poku linga ovina viwa ku vakuavo kuenda poku va sapuila ocili condaka ya Suku.
3. Tu lekisa ndati olopandu kocinyi cocili?
3 Afendeli va Suku va kapako onumbi yoku ‘endaenda ndomãla vocinyi’ kuenda va kundila kovitumãlo viosi ku sangiwa omanu. (Va Efe. 5:8) Oku tanga Embimbiliya, ale alivulu akuavo ocisoko, kowola yepuyuko kupange ale kosikola, ceca epuluvi lioku eca uvangi watiamẽla Kovisonehua. Eci ca kuatisa manji umue ufeko oku fetika oku songola elilongiso Liembimbiliya kuenda wa eca 12 kalivulu komanu va tangela kosikola yimuamue!
4. Momo lie voku taimisa ocinyi cetu mua kongela ovituwa vieteke leteke?
4 Poku Lekisa Ovituwa Viwa: Voku taimisa ocinyi cetu mua kongela ovituwa vietu vieteke leteke. (Va Efe. 5:9). Ovituwa Viakristão vi ecelela oku eca uvangi wocili Cembimbiliya kupange, kosikola kuenda kovitumão vikuavo ku sangiwa omanu. (1 Pet. 2:12) Ovilinga viwa via kamõla umue o kuete anyamo atãlo via vetiya ulongisi waye kosikola oku vilikiya olonjali viaye. Ulongisi wa popia hati: “Sia la mola omõla umue o tẽla oku tepisa ndoco pokati keci ciwa leci cĩvi!” Ocili okuti upange wetu woku kunda kuenda ovituwa vietu viwa, vi vetiya omanu oku iya ‘kocinyi comuenyo,’ loku sivaya Suku yetu.