Oku va Kuatisa ‘Oco va Pamisiwe Vekolelo’

Ci komohĩsa oku mola ndomo Yehova a siata oku sumũluĩsa upange wetu woku ungula, kuenda unyamo lunyamo ku papatisiwa eci ci soka 250.000 komanu. (Esin. 28:2) Ukundi noke yoku kuatisa omunu a longisa Embimbiliya toke eci a papatisiwa, onjongole yukundi oku liwekapo oku u longisa Embimbiliya oco a kuatise omanu vakuavo. Ondonge yaco yi kuatavo onjongole yoku liwekapo oku lilongisa oco a vokiye otembo yaye kupange woku kunda. Pole, ci kuete esilivilo omunu tu longisa Embimbiliya oku pamisa ciwa ekolelo liaye. Ovo va sukila “oku kula” Vukristu “loku pamisua vekolelo.” (Va Kol. 2:6, 7; 2 Tim. 3:12) Omo liaco, noke yondonge oku papatisiwa, o sukila oku amamako lelilongiso liaye Liembimbiliya toke eci a malusula elivulu Embimbiliya li Longisa kuenda elivulu “Ocisola ca Suku.”—Tanga Upange Wetu Usoma wa Kupupu wo 2011, kemẽla 2.