Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi Yevambi

“Tu kasi oku nyula omanu oco tu sapele ovina viatiamẽla kepulilo eli.” [Lekisa kokuaye epulilo liatete li sangiwa kemẽla lia sulako Liutala Wondavululi 1 Yevambi.] Cipi ocisimĩlo cove?” Ecelela etambululo. Noke kũlĩhĩsili kumosi ulandu vemẽhi liepulilo liatete, kuenda tanga ocinimbu Cembimbiliya ca tukuiwa. Eca kokuaye olorevista kuenda sokiya eteke lioku tiuka oco u kũlĩhĩsi epulilo li kuãimo.

Utala Wondavululi 1 Yevambi

“Vokuenda kunyamo, oku sipa kua siata oku ponda eci ci soka 6.000.000 komanu. O sima okuti kuli cimue ci pondola oku tepulula ocitangi caco? [Ecelela etambululo.] Omanu valua va siata oku kuatisiwa oco va liwekepo oku sipa poku kapako olonumbi via Suku. Ocinimbu eci Cembimbiliya ci pondola oku kuatisa vamue oku sokolola ndomo oku sipa ku nenela ovitangi omanu vakuavo. [Tanga 1 Va Korindo 10:24.] Orevista yilo, yi lombolola ndomo oku kapako olonumbi via Suku viatiamẽla koku sipa ci vetiya omunu oku siapo ocituwa caco.”

Despertai! de Junho

“O Internet ya siata oku ecelela okuti, koloneke vilo omanu va kuata akamba valua okuti kosimbu ci sule. Anga hẽ, o tẽla oku limbuka ocituwa cavelapo cekamba liocili? [Ecelela etambululo.] Vembimbiliya mu sangiwa ulandu umue u lekisa ndomo tu sukila oku sandiliya akamba. [Tanga Tiago 1:19.] Orevista yilo yi lekisa olonumbi vikũala vi tu kuatisa oku kala akamba vamue okuti, ovo vakuetu va yongola oku kuata.”