Ovindekaise vi Kuamiwa

Oco tu Fetike Oku Longisa Omanu Embimbiliya vo Casapalo Catete Kosãi Yenyenye Linene

“Omanu valua va tava okuti kuli ovangelo. Ove hẽ, o tavavo? [Ecelela etambululo.] Omo okuti ovangelo ovilulikilo viespiritu, va kuete unene walua. Ove hẽ, o sima okuti ovangelo va pondola oku tu kuatisa? Embimbiliya li lombolola ndomo ovangelo va siata oku kuatisa omanu koloneke vilo.” Lekisa emẽla lia sulako Liutala Wondavululi 1 Yenyenye Linene, kuenje, kũlĩhĩsili kumosi epulilo liatete, kuenda cimue pokati kovisonehua via tukuiwa. Eca olorevista kuenda linga eliangiliyo lioku tiuka oco u kũlĩhĩsi epulilo li kuãimo.

Utala Wondavululi 1 Yenyenye Linene

“Ove hẽ, o tava okuti omanu va kasi oku nyõla ongongo okuti ka va yi semũlula? [Ecelela etambululo.] Ocili okuti, omunu ka tẽla oku semũlula ovina via nyõleha vongongo, pole, Embimbiliya li lombolola okuti, Suku o pondola oku ci linga, kuenda o kuete unene waco. Tu sanga uvangi waco kelivulu Liosamo 65:9. [Tanga.] Utala ulo Wondavululi, u lombolola ndomo Suku a ka semũlula ongongo, kuenda esanju tu ka kuata omo liasumũlũho tu lavoka kovaso yoloneke. O yongola hẽ okuti ndu ku sila Utala ulo Wondavululi oco o tangemo?”

Despertai! Setembro

“Omanu valua va talavaya kupange woku sanda eteku, kuenda ka va tẽla ndomo va yuvula elambalalo lia va cime cavo. Olonoño via siata oku popia okuti, oku linga upange walua, ci kapa kohele uhayele womanu. Nye o sima okuti, oco ci pondola oku kuatisa omunu oku kuata omuenyo wa leluka? [Ecelela etambululo.] Tu tange ocinimbu cimue Cembimbiliya. [Tanga Ukundi 4:6.] O Despertai! yilo, yi lombolola olonepa vikuãla vi lekisa ndomo tu pondola oku pitisa kovaso ovina vi kuete esilivilo lia velapo, kuenda ndomo tu lekisa ovituwa via sunguluka poku linga upange walua.”