Talavaya Lonumbi Yetu yo Internet Kupange Woku Kunda—“Apulilo Atambuluiwa Lembimbiliya”

Vocipama Losapi hati: “Alongiso Embimbiliya” ci kasi vonumbi yetu yo jw.org, mu sangiwa onepa yokuti, “Apulilo Atambuluiwa Vembimbiliya.” Nda tua kũliha ciwa apulilo aco atambuluiwa, tu pondola oku tiamisila ovisimĩlo viomanu tu sanga katambululo Embimbiliya a sangiwa vonumbi yetu yo Internet. Apulilo aco a pondolavo oku tu kuatisa oku fetika ombangulo kupange woku kunda. Tu pondola oku nõla epulilo limue li vetiya onjongole yomanu va sangiwa vocikanjo cetu loku ecelela okuti omunu waco o situlula ocisimĩlo caye kueci Embimbiliya li lombolola poku kuama olonumbi vi sangiwa vo jw.org. Noke tu pondola oku u lekisa ale oku u lomboluila ndomo tu sanga olonumbi viaco. Ocina cikuavo tu sukila oku linga oku pinga kokuaye oco a tange atambululo a sangiwa vonumbi yetu yo Internet jw.org. Manji umue okuti ukãi wa manji ukuakunyula akongelo wa siata oku kuata onima yiwa poku talavaya lonumbi yaco wa popia hati: “Omanu valua va siata oku lipula ndoco: Anga hẽ Suku eye wa siata oku tu kokela ohali?” O yongola hẽ oku kũlĩha etambululo liaco vokuenda kuolosengundu 51? Noke eye eca etambululo poku lekisa ovideo vo kombutador yaye yopeka. Poku malusula o lombolola ocipama 11 celivulu Embimbiliya Li Longisa Nye?