Liaveli Pokati “Ovina Viwa” Poku Kuata Ocituwa Coku Yekisa (Mat. 12:35a)

Ocili okuti vosi yetu tu yongola oku liavela pokati “ovina viwa” poku lekisa ocituwa coku ‘yekisa akombe.’ (Va Rom. 12:13) Akulu vekongelo va vetiyiwa oku ci linga poku kuatisa kungende wa vamanji veya oku linga ohundo vekongelo liavo kuenda oku va pongiyila okulia. Ocili okuti pamue tu kuata ohele yoku yekisa akombe omo liuhukũi ale esakalalo ndomo tu tambula omanu konjo yetu. Pole, oku kapako elungulo Yesu a eca ku Marta, ci pondola oku tu kuatisa oku yula ovisimĩlo viaco. (Luka 10:39-42) Eye wa popiavo okuti “eci ca velapo” koku yekisa akombe, ukamba, loku livetiya pokati, hakusakalalako calua loku pongiya okulia, ale oku posuisa onjo. Nda tua kapako elungulo liaco, vosi yetu tu ka liavela pokati “ovina viwa” la vamanjetu ndomo ca lekisiwa Vondaka ya Suku.—3 Yoa. 5-8.