“Tu Mioñololi Uloño Wetu Kupange Woku Kunda—Oku Pindisa Akundi Vokaliye”

Esunga Lieci ci Kuetele Esilivilo: Olondonge viokaliye via Yesu, vi sukila oku lilongisa “ovina viosi” a tuma, oku kongelamo oku longisa ocili komanu. (Mat. 28:19, 20) Valua pokati kavo va pindisiwa Kosikola Yupange kuenda va pondola oku kundila epata liavo ale akamba vavo. Omo liaco, osimbu va kula konepa yespiritu, va sanjukila ovina va lilongisa kuenda va limbuka okuti Yehova o yongola okuti, omanu vosi va yeva esapulo Liusoma kuenje va situlula onjongole yavo kupange woku kunda. (Va Rom. 10:13, 14) Noke yoku taviwa okuti va kala akundi ka va papatisiwile, epindiso va tambula li ka va kuatisa oku amamako oku kula konepa yespiritu.—Luka 6:40.

Ndomo ci lingiwa:

Kuatisa ukundi wokaliye oco a kuate alivulu a sukila kupange woku kunda kuenda koku longisa. Lekisa kokuaye ndomo o pongiya ekolombelo liove lioku enda kupange woku kunda, kuenda lombolola ocimãho calivulu osi wambata vekolombelo liove.
TNõla ocindekaise cimue ci sangiwa Vupange Wetu Wusoma kuenda lingili kumosi ocindekaise caco. U vetiya oku pitulula ocindekaise caco volondaka viaye muẽle. Pongiya ovindekaise vi sangiwa velivulu Osikola Yupange kemẽla 82, via siata vocikanjo cove. Lombolola esilivilo lioku lipongiya ciwa loku li posuisa.—2 Va Kor. 6:3, 4.
Amamako oku eca epindiso. Eca kukundi wokaliye okacicapa kocikanjo, kuenda u longisa ndomo a talavaya lokokanda Registo de Casa em Casa. Lekisa kokuaye ndomo a pondola oku soneha ovina viatiamẽla komunu wa lekisa onjongole. U longisa ndomo a talavaya lonumbi yetu jw.org kupange woku kunda kuenda okalivulu losapi hati: Boas Novas Para Todas a Nações. U vetiya oco a kuatise omanu va lekisa onjongole.—1 Va Kor. 3:6.
Kuata epandi kuenda eca olopandu. (Olosap. 25:11) Eca ongangu yiwa. Ombili yove lonjongole o lekisa kokuaye, yi pondola oku u kuatisa vokuenda kuanyamo alua.

Seteka Ndoco Vokuenda Kuosãi:

Talavaya londonge yove kupange woku kundila konjo lanjo kuenda poku nyula omunu wa lekisa onjongole ale poku fetika oku longisa Embimbiliya komunu umue. Nda kukuete ondonge yimue, laleka ukundi umue okuti ka loñolohele calua oco o talavaye laye.