“Olondaka Evi... vi Kale Vutima Wove”
Olonjali vi sokisiwa ndangombo. Omo okuti ca leluka omãla oku yapuisiwa, olonjali vi sukila oku likolisilako oku va teyuila. (Olosap. 27:23) Olonjali vi pondola ndati oku tẽlisa ocikele cavo? Ovo va ci linga poku sanda otembo yoku sapela lomãla vavo oloneke viosi, oco va kũlĩhe ovisimĩlo vi kasi vutima wavo. (Olosap. 20:5) Olonjali vi sukilavo oku longisa omãla vavo lovimãleho via pama oco va pamise ekolelo liavo. (1 Va Kor. 3:10-15) Ovideo losapi hati: “Olondaka Evi... vi Kale Vutima Wove” yi lekisa esilivilo lioku linga efendelo liepata olonjanja viosi. Kũlĩhisili kumosi loku lombolola apulilo a kuaĩmo.
(1) Momo lie epata liamanji Citumba lia honguelele konepa yespiritu? (2) Momo lie kefetikilo Manji Citumba poku linga efendelo liepata ka kuatelele onima yiwa? (3) Ovinimbu vipi Viembimbiliya vi kuatisa oku pindisa ciwa omãla? (Esin. 6:6, 7) (4) Nye ci kuatisa epata oku kuata ocituwa coku sapela ciwa? (5) Nye olonjali vi sukila oku linga oco vi kuatise omãla vavo? (6) Manji Cipilika kumue lukãi waye va kuatisa ndati epata liamanji Citumba oku kuata ovituwa viwa? (Olosap. 27:17) (7) Nye usongui wepata a sukila oku linga oco efendelo liepata li kuate onima yiwa? (8) Nye Manji Citumba a linga oco ekalo liepata liaye li pongoloke? (9) Momo lie ci kuetele esilivilo oku linga efendelo liepata olonjanja viosi? (Va Efe. 6:4) (10) Olonumbi vipi vi pondola oku kuamiwa poku linga efendelo liepata? (11) Manji Citumba wa tẽla ndati oku kuatisa Cikomo oco a sanjukile esilivilo lioku linga ovina via sunguluka? (Yer. 17:9) (12) Nye manji Citumba kumue lukãi waye va linga oco va kuatise Katumbu oku nõla onjila ya sunguluka omo liukamba a kuata la Citekulu? (Mar. 12:30; 2 Tim. 2:22) (13) Manji Citumba kumue lukãi waye va lekisa ndati ekolelo poku linga apongoloko komuenyo wavo? (Mat. 6:33) (14) Ovideo eyi yi kuatisa ndati asongui vepata oku pamisa ekolelo liepata liavo? (1 Tim. 5:8) (15) Omo okuti ove usongui wepata, nye wa nolapo oku linga?
ONUMBI KASONGUI VEPATA: Ondalama eyi ya lekisiwa kohongele yofeka yunyamo wo 2011. Wa limbuka hẽ esilivilo lioku mioñolola efendelo liepata? Nye o sukila oku linga cilo? Nda wa limbuka okuti o sukila oku linga apongoloko, likutilila oco o linge apongoloko a kuatisa epata liove.—Va Efe. 5:15-17.