Tu Sukila Oku Lipongiya Ciwa Oco tu Kuate Uloño Woku Longisa

Yesu wa pulisiwa olonjanja vivali catiamẽla komuenyo ko pui, pole poku eca atambululo wa sokolola ekalo liomunu wo pula. (Luka 10:25-28; 18:18-20) Omo liaco, ndaño okuti tua kũlĩha ciwa ovina Embimbiliya lilongisa, pole, tu sukila oku li pongiya poku sokolola ekalo liondonge. Atosi api eye a sukila oku likolisilako oku kuata elomboloko liaco ale oku a tava? Ovisonehua vipi via tukuiwa tu pondola oku tanga laye? Ovinimbu viñami tu pondola oku u longisa? Tu sukila oku pongiya ovolandu, alomboluilo amue, ale apulilo amue oco tu kuatise omunu tu longisa Embimbiliya oku kuata elomboloko liatosi aco. Omo okuti Yehova Suku eye wa siata oku kulisa ombuto yocili kovitima viomanu, tu pondola oku pinga kokuaye oco a sumũluise elipongiyo lietu, omunu tu longisa Embimbiliya kuenda alikolisilo tua siata oku linga poku u kuatisa oku pamisa ekolelo liaye.—1 Va Kor. 3:6; Tia. 1:5.