Tu Mioñololi Uloño Wetu Kupange Woku Kunda​ —Kuatisa Omanu o Longisa Embimbiliya Oku Litumbika ku Yehova Kuenda Kepapatiso

ESUNGA LIECI CI KUETELE ESILIVILO: Omanu tu longisa Embimbiliya oco va taviwe la Yehova, va sukila oku litumbika kokuaye kuenda oku papatisiwa. (1 Pet 3:21) Yehova o teyuila omanu vana okuti ekalo liomuenyo wavo li litava lelitumbiko liavo. (Osa. 91:1, 2) Elitumbiko Liakristão ka li tiamisiwila komunu umue, kupange umue ale kocisoko cimue, pole ku Yehova. Omo liaco, omanu vana tu longisa Embimbiliya, va sukila oku lekisa ocisola ku Suku kuenda oku u sanjukila.—Va Rom 14:7, 8.

NDOMO TU CI LINGA:

• Vokuenda kuelilongiso, eci ulandu waco u tu longisa catiamẽla ku Yehova. U sapuila okuti oku tanga Embimbiliya kuenda oku likutilila ku Yehova “olonjanja viosi” ci kuete esilivilo.​—1 Va Tes 5:17; Tia 4:8

• Vetiya ondonge yove oco yi kuate ocimãho coku litumbika ku Yehova kuenda oku papatisiwa. U kuatisavo oku kuata ocimãho coku eca atambululo kolohongele, ale oku kundila omanu vo posongo yaye kuenda vana va talavayela kumosi. Ivaluka okuti Yehova ka kisika omunu umue oku u vumba. Elitumbiko onjila yimue omunu a sukila oku nõla eye muẽle.​—Esin. 30:19, 20

• Vetiyavo ondonge yove oku linga apongoloko komuenyo waye oco a sanjuise Yehova kuenda oku papatisiwa. (Olosap. 27:11) Pamue omo liovituwa vimue vĩvi, ondonge yi lilongisa Embimbiliya yi sukila oku kuatisiwa oco yi lule omunu wosimbu, kuenda oku wala omunu wokaliye. (Va Efe 4:22-24) U lekisa ovipama Viutala Wondavululi losapi hati: “Embimbiliya li Pongolola Omuenyo Womanu”

• U lomboluila esanju o kuete omo lioku vumba Yehova.​—Isa. 48:17, 18