Ivailuka Ukãi wa Lote

Momo lie ukãi wa lote a vanjela konyima osimbu a kala oku tunda vo Sodoma? Embimbiliya ka li lombolola esunga liaco. (Efet. 19:17, 26) Ulandu welungulo Yesu a eca, u lekisa okuti eye wa yonguile oku kuata ovina a sia konyima. (Luka 17:31, 32) Tu yuvula ndati oku pumba ukamba tu kuete la Suku ndeci ca pita lukãi wa Lote? Ka tu ka eceleli okuti onjongole yoku sandiliya ovokuasi yi kala ocina ca velapo komuenyo wetu. (Mat. 6:33) Yesu wa longisa okuti ka tu tẽla “oku vumba Suku kuenda ovokuasi.” (Mat. 6:24) Pole, nye tu sukila oku linga nda tua limbuka okuti ovokuasi a kasi oku nyõla ukamba wetu la Suku? Oku likutilila ku Yehova oku pinga olondunge oco tu limbuke apongoloko tu sukila oku linga kuenda oku pinga utõi longunsu yoku ci linga.

PITULULA OVIDEO YOLONEPA VITATU LOSAPI HATI: IVAILUKA UKÃI WA LOTE, KUENDA TAMBULULA APULILO A KUÃIMO:

• 

  Evetiyo lioku kuata olombongo vialua lia yapuisa ndati ovisimĩlo via Navinyu, olondaka kuenda ovilinga viaye?

• Ulandu wukãi wa Lote u tu kuatisa ndati koloneke vilo?

• Oku kapako olonumbi Viembimbiliya ca kuatisa ndati Cingandu kumue lepata liaye?

• Ukamba Civole a kuata lomanu va talavayela kumosi wa tepulula ndati ukamba waye la Yehova?

• Momo lie tu sukilila oku kuata utõi nda okuti tu kasi oku kisikiwa oku velisapo olombongo komuenyo wetu?

• Citumba la Navinyu va tẽla ndati oku pitisa vali kovaso ovina viespiritu?

• Olonumbi vipi Viembimbiliya wa mola vovideo?