Ukanda Wocindekaise

• Sonẽha ocitumãlo o sangiwa. Nda o sima okuti ku pondola oku soneha ocitumãlo o sangiwa, citava oku soneha onumbi Yonjango Yusoma nda okuti akulu vekongelo va ecelela oku ci linga. Pole, KA CITAVA oku sonẽha onumbi yofiliyale oco va ku sandiliye.

• Sonẽha onduko yomunu waco, nda wo kũlĩha. Eci ci ka kuatisa omanu oku yuvula oku sima okuti ukanda waco wa sonehiwa locimãho coku eca esapulo liolomĩlu.

• Kũlĩhĩsa okuti ukanda waco wa sonehĩwa ciwa kuenda wa leluka oku u tanga. Olondaka viukanda waco vi sukila oku sokiyiwa ciwa. Nda ka ya sonehĩwile komakina, olondaka viaco vi sukila oku leluka oku yi tanga. Ukanda waco, ka u ka sonehĩwe ndu okuti ovisimĩlo viaco ka via simiwile ciwa ale ndu okuti olondaka viaco via tĩla oku kuata elomboloko.

Ukanda wocindekaise u kuãimo, u lekisa atosi aco. Eci ka ci lekisa okuti o sukila oku pitulula ondaka londaka olonjanja viosi o sonehẽla omunu umue vocikanjo cove. Sonẽha ukanda wove ndomo ci likuata lekalo kuenda ovituwa viocikanjo cove.