“Amamiko Oku Kapako Ovina Viaco”

Ovina vipi? Kukanda ku va Filipoi 4:8 ku popia okuti tu sukila oku kapako ovina viosi okuti viocili, viosi via velapo, viosi via sunguluka, viosi via pua eko, viosi vi sivayiwa, viosi vi popiwa ciwa, viosi viwa kuenda viosi vi pandiyiwa. Eci ka ci lomboloka okuti Akristão va sukila oku sokolola otembo yosi Kembimbiliya. Pole, ovina tu nõla oku sokolola vi sukila oku kala vina vi sanjuisa Yehova. Tu sukila oku kuata utate oco ovisimĩlo vietu ka vi ka honguise ekolelo lietu.—Osa. 19:14.

Ocili okuti, ka ca lelukile oku yuvula ovisimĩlo ka via sungulukile. Tu sukila oku liyaka lekambo lietu lioku lipua kuenda Satana okuti “osuku yoluali lulo.” (2 Va Kor. 4:4) Satana wa siata oku vetiya ovina vi pita kovingungu viasapulo ndeci votelevisão, vo radio, vo Internet kuenda vovikanda viasapulo. Tu sukila oku kuata utate oco ka tu ka yapuisiwe lovina viaco, momo vi pondola oku vihĩsa ovisimĩlo vietu kuenda oku nyõla ovituwa vietu.—Tia. 1:14, 15.

TALA OVIDEO LOSAPI HATI, YUVULA OVINA VI TATEKA OKU KALA UKUACILI—OLOMAPALO KA VIA SUNGULUKILE KUENDA TAMBULULA APULILO AKUÃIMO:

• 

  Nye manji a kala oku tala votelefone, kuenda ca nyõla ndati ovituwa lovisimĩlo viaye?

• 

  Eye wa kuatisiwa ndati lolondaka vi sangiwa kukanda ku Va Galatia 6:7, 8 kuenda Kosamo 119:37?