Upange u Likasi Kosãi ya Kuvala Woku Sandeka Usoma wa Suku

Yesu wa enda ‘oku kunda olondaka viwa Viusoma wa Suku.’ (Luka 4:43) Wa longisavo omanu oku likutilila catiamẽla Kusoma. (Mat. 6:9, 10) Vokuenda kuosãi ya Kuvala tu ka likolisilako kupange u likasi woku sandeka Usoma wa Suku. (Mat. 24:14) Linga esokiyo oco o pange o nepa kupange waco u likasi. Vosi vana va ka talavaya ndakundi va sokamo kosãi yaco citava okuti va nõla oku eca 30 ale 50 kolowola.

Lekisa ocisonehua cimue catiamẽla kusoma wa Suku komanu valua vocikanjo cove nda citava. Nda wa nõla ocisonehua cimue, sokolola nda omanu vaco va kuetavo. Nda umue wa lekisa onjongole kombangulo yatete, eca kokuaye Utala umue Wondavululi, No. 2 2020. Noke kapako lonjanga onjongole omunu a lekisa kuenda fetika laye elilongiso Liembimbiliya velivulu limue li sangiwa Vovimalẽho vietu Vioku Longisa. Votembo ya sokiyiwa, Usoma wa Suku u ka malako lolombiali viosi ka vi pokola kokuaye. (Dan. 2:44; 1 Va Kor. 15:24, 25) Omo liaco, tu pondola oku likolisilako kepuluvi liaco lilikasi oco tu lekise epokolo lietu ku Yehova kuenda Kusoma waye!