KAPAKO OLONUMBI EVI KUPANGE WOKU KUNDA | VOKIYA ESANJU LIOVE KUPANGE WOKU KUNDA
Vetiya Utima
Oku pokola ku Suku ku tunda kutima. (Olo 3:1) Omo liaco, eci tu longisa, tu yongola oku vetiya utima wolonjeveleli vietu. Ndamupi?
Ku ka longise lika ocili Cembimbiliya kondonge yove, pole u kuatisa oku sanga elomboloko ndomo a ci kapako komuenyo waye loku kuata ukamba la Yehova. U kuatisa oku limbuka ndomo olonumbi Viembimbiliya vi situlula ocisola ca Suku, ohenda kuenda esunga. Lutate walua, u linga apulilo o kuatisa oku konomuisa ndomo a liyevite omo lieci a kasi oku lilongisa. U kuatisa oku sokolola ndomo omuenyo waye u ka kala nda wa siapo ovituwa vĩvi. Eci o limbuka ocisola omunu o longisa Embimbiliya a kuetele Yehova, esanju liove li livokiya.
TALA OVIDEO LOSAPI HATI, KUATA ESANJU KOKU LINGA OLONDONGE—MIOÑOLOLA ULOÑO WOVE—VETIYA UTIMA KUENDA TAMBULULA APULILO A KUÃIMO:
Momo lie manji Neeta apulila Jade hati: “Nye o sima catiamẽla kovina tua sapela Sengunda?”
Manji Neeta wa kuatisa ndati Jade oku kuata elomboloko ndomo olonumbi Viembimbiliya vi situlula ocisola Yehova o kuetele?
Nda tua vetiya utima womunu tu longisa Embimbiliya, eye o kamamako oku amẽla ku Yehova
Manji Neeta wa kuatisa ndati Jade oku sokolola ndomo a pondola oku lekisa ocisola caye ku Suku?