Olonumbi Via Sunguluka Vioku Songola Olohongele Viupange Woku Kunda

Olohongele viupange woku kunda vi sokisiwa lolohongele vikuavo viekongelo okuti, eliangiliyo limue lia Yehova li tu kuatisa oku loñoloha loku lipamisa pokati locisola kuenda ovilinga viwa. (Hev 10:24, 25) Citava okuti, vi lingiwa vakukutu atãlo ale epanduvali, mua kongela oku ongotiya ovimunga, oku eca ovikanjo kuenda oku linga ohutililo. (Nda ohongele yupange woku kunda yi lingiwa noke liohongele yimue, yi tete onimbu.) Manji o songola a pongiye ovina vi ka kuatisa vamanji kupange woku kunda keteke liaco. Ndeci, Vocapalo nda vamanji valua ka va endele kupange woku kunda tunde kesulilo liosemana ya pita, ciwa oku konomuisa ovina tu ka popia poku sanga omunu umue. Ovina vipi vikuavo vi kuete esilivilo vi pondola oku kũlĩhĩsiwa?

• Citava oku kuama ombangulo yi kuamiwa yi sangiwa Vekalo Lietu Tuakristão Kuenda Oku Kunda—Ovipama Viohongele

• Ndomo ku lomboluiwa ulandu umue ale esapulo limue liokaliye oco o fetike ombangulo

• Ndomo ku tambuluiwa epulilo limue lia siata vocikanjo

• Ndomo ku tambuluiwa umue ka tava ku Suku, umue o tava okuti ovina via tukuluka ño, komunu o vangula elimi likuavo ale omunu umue wa tiamẽla ketavo limue okuti ka lia kũlĩhĩwile calua vocikanjo

• Ndomo ku talavayiwa lo jw.org website, o JW Library^® app, ale Embimbiliya

• Ndomo ku talavayiwa locimalẽho cimue ci sangiwa Vovimalẽho Vioku Longisa

• Ndomo o litumbika kupange woku kunda ndeci, oku kunda lotelefone, oku soneha ovikanda, oku eca uvangi ka wa sokiyiwile, oku linga apasu ale oku songola alilongiso Embimbiliya

• Oku ivaluka ovina via tiamẽla koku liteyuila, kesunguluko, kovituwa viwa oku kuata ovisimĩlo via sunguluka ale ovina vikuavo

• Ocipama cimue ale ovideo yopiwa vombrochura losapi, Litumbika Koku Tanga Kuenda Koku Longisa

• Ndomo o vetiya kuenda oku kuatisa manji vu kundila kumosi

• Ocisonehua cimue ci likuata lupange woku kunda ale ulandu umue u vetiya wupange woku kunda