Sanga vo JW.ORG Olonumbi vi ku Kuatisa Eteke Leteke

Ondaka ya Suku yi tu ĩha ovina viosi tu sukila oco tu tẽle oku liyaka lalambalalo kuenda ovitangi viokoloneke via sulako. (2Ti 3:1, 16, 17) Ndaño ndoco, olonjanja vimue tu sukila ekuatiso oco tu sange olonumbi Viembimbiliya vi tu kuatisa oku liyaka locitangi cimue. Ndeci, nda ove wunjali, wa siata hẽ oku sanda olonumbi oco o kuatise omãla vove? Nda vumalẽhe o kasi hẽ oku liyaka lovitangi vi seteka ekolelo liove? Anga hẽ wa sumua omo lioku fisa ohueli yove? Ove o pondola oku sanga vo jw.org, olonumbi Viembimbiliya vi ka ku kuatisa oku liyaka lovitangi vialua—Olo 2:3-6.

Vonumbi yo jw.org, nõla ponepa ALONGISO EMBIMBILIYA. (Tala ociluvialuvia 1.) Oku upisa vulala waco, nõlapo onepa o yongola. Ale nõla osapi OCISELEKO CALIVULU > ULALA WOVIPAMA kuenda tioka ponepa wa nõla. (Tala ociluvialuvia 2.) O pondolavo oku sanga olonepa vimuamue vo JW Library^®.a O sanjuka poku kũlĩhĩsa ovipama vi sangisa volonepa via tukuiwa ndeti. Ocina cikuavo o sukila oku linga, oku sanga osapi yimue vocimãleho coku linga akonomuiso vo jw.org.

Soneha olosapi vi kuãimo vokasia yoku linga akonomuiso kuenda konomuisa ovipama o yongola oku tanga.

• Oku kuatisa omãla

• Esumuo liovomalẽhe

• Olofa viohueli