Lekisa Ekolelo Poku Liyaka Lovitangi Viekambo Liolombongo

Omuenyo koloneke vilo via sulako weyuka apongoloko alua. Omo okuti tu kasi kesulilo lioluali lulo, ovitangi vi kasi oku livokiya. Tu pondola oku kuata ekambo liokulia kuenda liovina vikuavo. (Hav 3:16-18) Nye ci tu kuatisa oku liyaka lovitangi viekambo liolombongo? Tu sukila oku amamako oku kolela ku Yehova Suku. Eye wa likuminya oku tata afendeli vaye kuenda olonjanja viosi, o tu ĩha eci tu sukila.—Os 37:18, 19; Hev 13:5, 6.

Ceci o sukila oku linga:

• Pinga ku Yehova oco a ku songuile, loku ku ĩha olondunge kuenda oku ku kuatisa.—Os 62:8

• Likolisilako oku tava oku linga upange una okuti kua u lingaile.​—g 1/10 8-9, okalokasia

• Amamako oku pama konepa yespiritu oku kongelamo oku tanga Ondaka ya Suku oloneke viosi, oku enda enda kolohongele kuenda kupange woku kunda

TALA OVIDEO LOSAPI, TUNGA ONJO YA KOKA “SANJUKILI OVINA VU KUETE CILO” KUENDA TAMBULULA APULILO A KUÃIMO:

• Ovitangi vipi apata alua a siata oku liyaka lavio?

• Ocina cipi ci kuete esilivilo lialua komuenyo?

• Tu kuatisa ndati vana va kasi oku liyaka lovitangi viekambo liolombongo?