Ovimalẽho vi Kuatisa Oku Talavaya Lelivulu Sanjukili Omuenyo Otembo ka yi Pui!

Ove hẽ o sanjukila oku talavaya lolovideo kuenda apulilo a vetiya oku sokolola elivulu Sanjukili Omuenyo Otembo ka yi Pui? Nye ci popiwa kolonepa ndeci, “Omanu Vamue Va Popia Vati,” “Ocimãho,” kuenda “Oco o Kũlĩhe Ovina Vikuavo”? Ovina vipi vikuavo o sanga velivulu liaco okuti vi ku kuatisa oku songola elilongiso Liembimbiliya?—Mat 28:19, 20.

Media: Nda ove wa nõlapo oku songola elilongiso Liembimbiliya velivulu liovopapelo, o lekisa ndati lonjila ya leluka olovideo viosi lolonepa vikuavo? Nda o tangela velivulu lio votelefone, pokati kolonepa vikuãla, nõlapo yimue. Pondimbukiso yulala wolosapi viovipama, o pondola oku nõla olovideo, ovipama, lovina vioku yevelela vionepa yaco. (Tala elitalatu 1.)

Oku li Kapa “Ndeci li Molẽha Vopapelo”: Nda o kasi oku lilongisa lomunu umue o tangela votelefone, o pondola oku talavaya lonepa “Ndeci li Molẽha Vopapelo” olonjanja vialua vokuenda kuelilongiso. Osimbu o kasi handi vocipama, tioka patosi atatu a sangiwa konele yondio yotelefone kuenje nõla onepa “Ndeci li Molẽha Vopapelo.” Ovina viaco vi ku kuatisa oku kuata elomboloko lia suapo ndomo ulandu waco u kuete elitokeko losapi yocipama vu kasi oku lilongisa. Oco o tiukile ponepa “Ndeci li Molẽha Votelefone,” tioka vali patosi atatu kuenje nõla onepa “Ndeci li Molẽha Votelefone.”

“Nda Lipongiya hẽ?”: Otulokasia otu tu sangiwa poku panda kesulilo lielivulu, tu lekisa eci omunu a sukila oku linga, oco a kundile kumosi lekongelo loku papatisiwa. (Tala elitalatu 2.)

Atosi Kesulilo: Atosi a sangiwa kesulilo, a lombolola olosapi vimue via velapo. Velivulu li tangiwa votelefone, kesulilo lietosi letosi, kuli onumbi yokuti tiukila kocipama wa tunda. (Tala elitalatu 2.)