‘Amamiko Oku Sumbila Alume va Soka Ndava’

TUNDE kunyamo wo 1992, Osungu Yolombangi Via Yehova ya siata oku nõla akulu vekongelo va loñoloha oco va kuatise koku linga upange wavo.a (Tala etosi pombuelo yemẽla.) Akulu vaco vekongelo okuti va panga onepa ‘kolomeme vikuavo,’ va siata oku kuatisa Osungu Yolombangi Via Yehova. (Yoano 10:16) Vamanji vaco, va siata oku kala kolohongele vi lingiwa olosemana viosi vovimunga va nõliwila oku panga onepa. Ovo va kuete ocikele coku eca asapulo a sukiliwa kuenda oku eca ovisimĩlo viavo. Noke, Osungu Yolombangi Via Yehova yi nõlapo onjila yi kuamiwa, kuenje oloñuatisi viavo vi tava konjila ya nõliwa. Vamanji vaco va siata oku lekisa onjongole yoku linga ovopange osi va tambula. Ovo va siata oku linga ovongende kumue la vamanji va panga onepa Kosungu Yolombangi Via Yehova oco va ende kohongele yolofeka ale kohongele yilikasi. Va siatavo oku nõliwa oco va nyule Olobetele okuti va linga olonumiwa viombala Yolombangi Via Yehova.

Manji umue okuti oñuatisi Yosungu Yolombangi Via Yehova tunde kunyamo wo 1992 wa popia hati: “Eci ndi tẽlisa ovikele nda tambula cecelela okuti Osungu Yolombangi Via Yehova yi tiamisila lika utima kovina viespiritu.” Manji ukuavo okuti oñuatisi Yosungu Yolombangi Via Yehova vokuenda kueci ci soka 20 kanyamo, wa popia hati: “Oku kuata ovikele viaco esumũlũho limue ka li sokisiwa lovina vikuavo.”

Osungu Yolombangi Via Yehova ya siata oku eca ovikele koloñuatisi viavo, kuenda ya sanjukila ovopange vamanji vaco vakuekolelo va siata oku linga. Omo liaco, vosi yetu tu ‘amamiko oku sumbila alume va soka ndava.’​—Va Filipoi 2:29.