Oku Livokiya Kungangala Voluali—Nye Embimbiliya li Popia?

Ungangala u lingiwa lovingumba wa siata calua ko Haiti. Ungangala wa siata oku koka ohali ko Afrika do Sul, ko Mésiku kuenda kolofeka vikuavo vio ko Amerika Latina. Ndaño kovitumãlo vina okuti ungangala wa tepuluka, omanu handi ka va kolelepo kuenda va sakalala, momo va siata oku yeva asapulo a tiamẽla kungangala kuenda oku nyõliwa kuolonjo.

Nye Embimbiliya li popia catiamẽla kungangala wa siata oku lingiwa voluali luosi?

Ceci Embimbiliya lia popele catiamẽla kungangala

Embimbiliya lia popele okuti, ungangala u ka panga onepa kolondimbukiso viokuti, tu kasi ‘kesulilo lioluali.’ (Mateo 24:3) Eci Yesu Kristu a lombolola ovina via laikele oku panga onepa kondimbukiso yaco, eye wa popia hati:

• “Omo lioku livokiya kuevĩho, ocisola comanu valua ci ka pola.”—Mateo 24:12.

Embimbiliya lia popelevo okuti “koloneke via sulako” omanu “ka va ka tẽla oku likandangiya, olongangala, ka va ka sola eci ciwa.” (2 Timoteo 3:1-5) Ovituwa viaco vĩvi via siata oku vetiya omanu oku linga ungangala ndomo tu ci lete koloneke vilo.

Pole tu kuete asunga oku kuata elavoko. Embimbiliya li likuminya okuti, ndopo ungangala ka u ka kalako vali.

• “Vokatembo kaño, olondingaĩvi ka vi ka kalako vali; ove o ka vanja apa ovio via kala, kuenje ka vi ka kalapo. Pole, ambombe va ka piñala ilu lieve, kuenda va ka sanjukila ombembua yalua.”—Osamo 37:10, 11.

Lilongisa ovina vikuavo viatiamẽla kesapulo lielavoko Liembimbiliya kuenda esunga lieci o kolelela okuti, ovina vi kasi oku pita koloneke vilo oku tẽlisiwa kuovitumasuku Viembimbiliya. Tanga ovipama vi kuãimo.

“O Pondola Oku Kolela Kekalo Liwa Lio Kovaso Yoloneke”

“Nye Ceca Uvangi Wokuti tu Kasi “Koloneke Via Sulako,” Ale “Kotembo ya Sulako”?”

“Anga hẽ Embimbiliya Lia Popele Ale Ndomo Ovisimĩlo Lovituwa Viomanu Via Laikele Oku Kala?”