Momo Lie Olombangi Via Yehova ka vi Fendelela Lekulusu?

Omanu valua, va tenda ekulusu ndondimbukiso yi situlula Akristão voluali luosi. Ndaño okuti Olombangi Via Yehova Akristão, ka vi fendela lekulusu. Momo lie?

Esunga limue li lekisiwa Lembimbiliya lieli liokuti, Yesu ka filile kekulusu, pole, kuti umue wa miũha. Handi vali, Embimbiliya li popia okuti Akristão va sukila oku ‘tila efendelo lioviteka,’ muna mua kongela oku yuvula oku fendela lekulusu. — 1 Va Korindo 10:14; 1 Yoano 5:21.

Ca sunguluka oku kapako eci Yesu a popia hati: “Poku ci linga, vosi va ka limbuka okuti vulondonge viange, nda wa lisoli pokati.” (Yoano 13:34, 35) Lolondaka evi, Yesu wa lekisa okuti, ocisola oco ci situlula olondonge viaye viocili, ekulusu ale ociteka cikuavo, sio.