Etosi Pombuelo

a Ambimbiliya amue a pongolola olondaka evi hati, “ko ka veli” kuenda “ko ka pisi.” Olondaka evi, vi pitiya ocisimĩlo cokuti “ka citava oku fetika oku vetela evelo” kuenda “ka citava oku fetika oku pisa.” Pole, asonehi Vembimbiliya va tukula olondaka viupopi u lekisa okuti elinga limue li amamako oku lingiwa. Omo liaco, Yesu wa kala oku lekisa okuti olonjeveleli viaye via kala oku linga ovina evi, pole, via sukilile oku liwekapo.