Etosi Pombuelo

a Oku likekembela lutima wosi, mua kongela ovina vialua, okuti oku popia lika okuti tua lueya omo liekandu tua linga, ci sule. Ocipama cilo, ci ka tu kuatisa oku kuata elomboloko lieci ci lomboloka oku likekembela lutima wosi poku kũlĩhĩsa ovolandu a Soma Ahava, Soma Manase, kuenda omõla ocisandui wa tukuiwa volusapo lua Yesu. Ci ka lombololavo eci akulu vekongelo va sukila oku linga nda okuti manji umue wa linga ekandu linene, wa likekembela muẽle lutima wosi.