• Omuenyo wa Fetika Ndati?
    Sanjukili Omuenyo Otembo ka yi Pui!—Elilongiso Liembimbiliya

    • 3. Etepiso lipi li kasi pokati komanu lovinyama?

      Yehova noke yoku lulika ongongo, wa kapamo omuenyo. Catete, Yehova wa lulika ovikũla kuenda ovinyama. Kuenje “Suku wa lulika omunu ukuesetahãlo liaye.” (Tanga Efetikilo 1:27.) Nye ci lingisa omanu oku kala oviluvo vilikasi? Omo okuti tua lulikiwa lesetahãlo lia Suku, tu pondola oku kuata ovituwa ndevi viaye ndeci, ocisola kuenda esunga. Eye wa tu lulika luloño woku lilongisa alimi, oku komõha ovina via posoka kuenda oku sola ovisungo. Ca litepa lovinyama ceci okuti, etu tu pondola oku fendela Ululiki wetu.

  • Omuenyo wa Fetika Ndati?
    Sanjukili Omuenyo Otembo ka yi Pui!—Elilongiso Liembimbiliya

    • 5. Ulandu Wembimbiliya watiamẽla koku lulika wocili

      Kelivulu Liefetikilo kocipama 1, Embimbiliya li tukula ono yongongo kuenda yomuenyo. O pondola hẽ oku kolela kulandu owu, ale o sima okuti wesanda? Tala OVIDEO, noke konomuisa apulilo a kuãimo.

      OVIDEO: Anga hẽ Oluali Lua Lulikiwa?—Onepa yimue (3:51)

      Alitalatu: olonepa viovideo ‘Anga hẽ Oluali Lua Lulikiwa?—Onepa yimue.’ 1. Oloneke epandu vioku lulika ndomo nda via molẽha komunu umue kilu lieve. 2. Ilu lieve noke lieteke liepandu lioku lulika okuti, kuli utanya, osi ya kukuta, ovava, ovikũla, olonjila, ovinyama vi endela kilu lieve kuenda omanu.

      • Anga hẽ Embimbiliya li longisa okuti ongongo kuenda omuenyo via lulikiwa volowola 24 violoneke epandu?

      • O sima hẽ okuti ulandu Wembimbiliya watiamẽla koku lulika wa sunguluka kuenda wocili? Momo lie?

      Tanga Efetikilo 1:1, noke konomuisa epulilo li kuãimo:

      • Olonoño vi popia okuti, ongongo kuenda olombungululu via kuata efetikilo. Ovisimĩlo viavo vi kuete elitokeko lipi leci wa mala oku tanga Vembimbiliya?

      Omanu vamue, va lipula nda okuti Suku wa kuama onjila yokuti ovina vi tukuluka ño oco a lulike omuenyo. Tanga Efetikilo 1:21, 25, 27, noke konomuisa apulilo a kuãimo:

      • Anga hẽ Embimbiliya li longisa okuti Suku wa panga ociluvo cimue comuenyo wa leluka noke wa ecelela okuti ociluvo caco ci li pongolola olõsi, ovinyama kuenda omanu? Ale eye wa lulika “apata” osi omuenyo?b