• O Pondola Oku Kala Ekamba Lia Yehova
    Sanjukili Omuenyo Otembo ka yi Pui!—Elilongiso Liembimbiliya

    • 5. Ceci Yehova a lavoka kakamba vaye

      Ocili okuti, tua siata oku lavoka ovina vimue kakamba vetu.

      • Ovina vipi o yongola okuti akamba vove va ku vi pangela?

      Tanga 1 Yoano 5:3, noke konomuisa epulilo li kuãimo:

      • Nye Yehova a lavoka kakamba vaye?

      Oco tu pokole ku Yehova, pamue tu sukila oku pongolola ovituwa vietu kuenda ekalo lietu. Tanga Isaya 48:17, 18, noke konomuisa epulilo li kuãimo:

      • Momo lie Yehova a pingila okuti akamba vaye va linga apongoloko komuenyo?

      Onalãvai yimue ukuakutunga yeca ocikoko coku liteyuila konalãvai yikuavo.

      Ekamba liwa li tu kuatisa kuenda li tu ĩha alungulo awa. Cimuamue haico Yehova a linga lakamba vaye

  • Tu Lekisa Ndati Ocisola Cetu ku Yehova?
    Sanjukili Omuenyo Otembo ka yi Pui!—Elilongiso Liembimbiliya
    • Ocipama 34. Ulume umue o kasi volupale wa luluvalela kilu.

      OCIPAMA 34

      Tu Lekisa Ndati Ocisola Cetu ku Yehova?

      Tunde eci wa fetika oku lilongisa Embimbiliya, anga hẽ o liyevite okuti ukamba wove la Suku u kasi oku pama? O yongola oku amamako oku pamisa ukamba wove laye? Nda oco, ivaluka okuti, osimbu Yehova a limbuka oku livokiya kuocisola u kuetele, eye o ku solavo calua kuenda o ku tata. O lekisa ndati kokuaye okuti u sole?

      1. Tu lekisa ndati ku Yehova okuti tu u sole?

      Tu lekisa ocisola ku Yehova poku pokola kokuaye. (Tanga 1 Yoano 5:3.) Eye ka kisika laumue oku u pokola. Pole, eca komunu lomunu epuluvi lioku nõla nda tu pokola kokuaye ale sio. Momo lie? Yehova o yongola okuti, tu kala “vakuepokolo vutima.” (Va Roma 6:17) Volondaka vikuavo, eye ka yongola okuti tu pokola kokuaye omo liovina tu kuete, pole, tu ci linga omo liocisola tu u kuetele. Onepa 3 kuenda 4 yelivulu lilo, via pongiyiwila oco vi ku kuatise oku lekisa ocisola ku Yehova poku linga ovina viu sanjuisa, loku yuvula ovina viu sumuisa.

      2. Momo lie ka ca lelukilile oku lekisa ocisola cetu ku Yehova?

      “Ohali yukuesunga yalua.” (Olosamo 34:19) Vosi yetu tua siata oku liyaka lekambo lioku lipua. Tua siatavo oku liyaka lovitangi viekambo liolombongo, ekambo liesunga kuenda ovitangi vikuavo. Poku liyaka lovitangi, pamue ka ci leluka kokuetu oku linga eci Yehova a lavoka kokuetu. Momo ca leluka vali oku sinĩla Yehova. Pole, lekolelo nda o linga ovina Yehova a ku handeleka, o lekisa okuti ocisola u kuetele ca velapo ovina vikuavo. O ka lekisavo okuti, wa kakatela kokuaye. Kuenje eye o kakatelavo kokuove. Eye, lalimue eteke a ka ku yanduluka.—Tanga Olosamo 4:3.

      LILONGISA ONDONGOSI

      Kũlĩhĩsa esunga lieci epokolo liove ku Yehova li kuetele esilivilo kuenda lilongisa eci ci pondola oku ku kuatisa oku amamako oku kolela kokuaye.

      3. Ocitangi cimue okuti ove wa kongeliwamo

      Ndeci ca sonehiwa Vembimbiliya kelivulu lia Yovi, Satana wa popia elundi limue okuti, ka lia tiamisiwile lika ku Yovi pole, komanu vosi va yongola oku vumba Yehova. Tanga Yovi 1:1, 6–2:10, noke konomuisa apulilo a kuãimo:

      • Ndeci Satana a lekisa, momo lie Yovi a pokuila ku Yehova?—Tala Yovi 1:9-11.

      • Momo lie Satana a lundilila omanu vosi, oku kongelamo ove?—Tala Yovi 2:4.

      Tanga Yovi 27:5b, noke konomuisa epulilo li kuãimo:

      • Yovi wa lekisa ndati okuti wa solele Yehova lutima wosi?

      Satana wa lingila usuanji Yehova. Eye o kasi oku tatãla ekolelo lia Yovi, una o kasi lolombumbu kuenda lia manji umue ukãi o vumba Yehova koloneke vilo.

      Yovi wa lekisa ocisola ku Yehova poku amamako oku kakatela kokuaye

      Lilongisa okuti, ndaño muẽle omãla va pondola oku lekisa ocisola ku Yehova.

      4. Sanjuisa utima wa Yehova

      Tanga Olosapo 27:11, noke konomuisa apulilo a kuãimo:

      • Yehova o liyeva ndati eci o lekisa olondunge loku pokola kokuaye? Momo lie?

      5. O pondola oku kala ukuacili ku Yehova

      Ocisola tu kuetele Yehova, ci tu vetiya oku sapuilako vakuetu catiamẽla kokuaye. Ekolelo tu u kuetele, li tu vetiya oku linga ovina ndaño ceci ka ca lelukile. Tala OVIDEO, noke konomuisa apulilo a kuãimo.

      OVIDEO: Teyuila Ekolelo Liove Ndaño Lalambalalo (5:09)

      • Ka ca lelukile hẽ kokuove oku sapela la vakuene catiamẽla ku Yehova?

      • Ndomo ca lekisiwa vovideo, nye ca kuatisa Grayson oku yula usumba?

      Ci leluka kokuetu oku kakatela ku Yehova nda tu sole eci eye a sole kuenda tu suvuka eci eye a suvuka. Tanga Olosamo 97:10, noke konomuisa apulilo a kuãimo:

      • Catiamẽla kueci wa siata oku lilongisa, vipi ovina vimue Yehova a sole? Vipi ovina vimue a suvuka?

      • Ove o lilongisa ndati oku sola eci ciwa loku suvuka eci cĩvi?

      6. Tu kuatisiwa eci tu pokola ku Yehova

      Otembo yosi oku pokola ku Yehova oco ca velapo. Tanga Isaya 48:17, 18, noke konomuisa apulilo a kuãimo:

      • Kovisimĩlo viove, tu pondola oku kolela okuti Yehova otembo yosi wa kũlĩha eci ci tu panga ciwa? Momo lie?

      • Elilongiso liove Liembimbiliya kuenda ocili catiamẽla ku Yehova Suku, via siata oku ku kuatisa ndati toke cilo?

      OMANU VAMUE VA POPIA VATI: “Suku ka kapeleko ovilinga viange.”

      • Ocisonehua cipi nda wa longisa laco, oco o lekise okuti ovilinga vietu vi pondola oku sanjuisa ale oku sumuisa Yehova?

      NYE WA LILONGISA?

      O pondola oku lekisa ocisola ku Yehova poku pokola kokuaye kuenda poku amamako oku kakatela kokuaye ndaño lovitangi.

      Oku Pitulula

      • Nye wa lilongisa kulandu wa Yovi?

      • O lekisa ndati ocisola cove ku Yehova?

      • Nye ci ka ku kuatisa oku amamako oku kala ukuacili ku Yehova?

      Ocimãho

      OCO O KŨLĨHE OVINA VIKUAVO

      Limbuka ndomo o kala ukuacili ku Yehova kuenda vekongelo.

      “Lomunu Ukuacisola ka ci Pongoloka Ove o Lekisa Ocisola ka ci Pongoloka” (16:49)

      Lilongisa ovina vikuavo viatiamẽla kalundi Satana a lingila omanu.

      “Yovi Wamamako Lekolelo” (Embimbiliya—Lipi Esapulo Lialio? onepa 6)

      Tu lekisa ocisola ku Yehova poku amamako oku kakatela kokuaye

      Sanjuisa Yehova (8:16)

      Umalẽhe una o lambalaliwa lamalẽhe vakuavo o pondola oku kakatela ndati ku Suku?

      Pandikisa Kelambalalo Liakamba Vove Kosikola! (3:59)