Ene vu Tavi ku Yesu?

Oco. Tu tava kolondaka via Yesu wa popia hati: “Ame ndinjila, haime ndicili, haime ndimuenyo. Lomue iya ku Isia, te lame.” (Yoano 14:6) Tua kolela okuti Yesu wa tundile kilu, kuenda wa eca omuenyo waye wa lipua ndocisembi. (Mateo 20:28) Olofa viaye lepinduko, via ecelela okuti, vosi va kolela kokuaye va kuata omuenyo ko pui. (Yoano 3:16) Tu tavavo okuti, Yesu wa linga ale Osoma Yusoma wa Suku kilu, kuenje ndopo o ka nena ombembua kolonepa viosi violuali. (Esituluilo 11:15) Omo liaco, tua kapako olondaka via Yesu viokuti: “Isia wa mbelapo, ame ndi sule.” (Yoano 14:28) Omo liaco, ka tu fendela Yesu momo tua kũlĩha okuti, hayeko Suku Tõlo.