Anga hẽ Olombangi Via Yehova vi Pisa Olofilme, Alivulu, Ale Ovisikilo Vimue?

Sio. Etu ka tu konomuisa olofilme, ovisikilo, ale alivulu amue locimãho coku kisika eci omanu va sukila oku yuvula. Momo lie?

Embimbiliya li vetiya omunu lomunu oku “pindisa olondunge” viaye oco a tẽle oku tepisa pokati keci ciwa leci cĩvi.—Va Heveru 5:14.

Ovisonehua vi eca olonumbi Ukristão a sukila oku kapako poku nõla olomapalo.a Kolonepa viosi viomuenyo wetu, ocimãho cetu oku ‘amamako oku limbuka ovina vi sanjuisa Ñala.’—Va Efeso 5:10.

Embimbiliya li longisa okuti, asongui vepata va kuete omoko ya pita pokati, omo liaco, va pondola oku nõla olomapalo epata liavAo li sukila oku yuvula. (1 Va Korindo 11:3; Va Efeso 6:1-4) Pole, ka va kuete omoko yoku sapuila komanu vakuavo olofilme, ovisikilo, ale olonjimbi Olombangi viosi Via Yehova vi sukila oku yuvula.—Va Galatia 6:5.