Ono Yovipama Viohongele Ekalo Lietu Tuakristão Kuenda Oku Kunda
© 2022 Christian Congregation of Jehovah’s Witnesses
2-8 YA SUSU
OVOKUASI A SANGIWA VONDAKA YA SUKU | 2 OLOSOMA 22-23
“Momo Lie ci Kuetele Esilivilo Oku Kala Ambombe?”
w00 15/9 kem. 29-30
Yosiya wa Kala Embombe Kuenda wa Kuatisiwa Lohenda ya Yehova
Olonalavayi via panga onepa koku tumbulula onembele, via likolisilako tunde kefetikilo. Yosiya wa pandula calua Yehova omo okuti, olonalavayi via kala oku semũlũla ovina viosi vakukululu yaye olondingaĩvi via nyõla konjo ya Suku. Vokuenda kupange woku tumbulula, Siafane weya loku nena esapulo limue. Pole, nye a kuatele povaka? Eye wa nena ociña cimue! Siafane wa lombolola okuti ocitunda ca velapo Hilikiya wa sanga “elivulu Liocihandeleko Yehova a ecele ku Mose.” (2 Asapulo 34:12-18) Ocili okuti, ca kala ociña catete—Cocihandeleko!
Yosiya wa yonguile oku yevelela olondaka viosi vi sangiwa velivulu liaco. Osimbu Siafane a kala oku tanga, soma wa sandiliya oku limbuka ndomo ocihandeleko locihandeleko ci tiamisiwila kokuaye kuenda komanu. Eye wa komõha calua ndomo elivulu lia tukula efendelo liocili loku tukula ovitangi kuenda omanu oku ambatiwa kumandekua nda ovo va nõlapo oku kuama efendelo liesanda. Poku limbuka okuti ovihandeleko vimue via Suku ka via kaile oku kuamiwa, Yosiya wa tola tola uwalo waye loku handeleka Hilikiya, Siafane kuenda vakuavo hati: “Kuendi, ka ñulĩhĩsiliko Yehova ame kumue lomanu vana va supapo vo Isareli kuenda vo Yuda catiamẽla kolondaka vielivulu lina lia sangiwa; momo onyeño ya Yehova yina yi laika oku tu wengukila, yalua enene omo vakukululu yetu ka va tẽlisile ondaka ya Yehova poku kapako ovina viosi via sonehiwa velivulu eli.”—2 Olosoma 22:11-13; 2 Asapulo 34:19-21.
w00 15/9 kem. 30 ocin. 2
Yosiya wa Kala Embombe Kuenda wa Kuatisiwa Lohenda ya Yehova
Olomunga via Yosiya vi enda toke kuprofeto Hulida, ko Yerusalãi kuenda va nena asapulo. Hulida wa Kũlĩhĩsa ondaka ya Yehova, loku lombolola okuti ovitangi via sonehiwa velivulu lia sangiwa, vi keya kolonanguluke. Pole, omo okuti Yosiya wa liketisile kovaso a Yehova, eye ka laikele oku mola ovitangi viaco. Eye o ka kongeliwa ku vakukululu yaye loku kendiwa lombembua.—2 Olosoma 22:14-20; 2 Asapulo 34:22-28.
Ovina vi Sangiwa Vembimbiliya
w01 15/4 kem. 26 ocin. 3-4
O Pondola Oku Kuata Ekalo Liwa Ndaño Lonjila Ndomo wa Pindisiwa
Ndaño okuti ekalo lio vutila lia Yosiya ka lia lelukile, wa likolisilako oku linga eci ciwa kovaso a Yehova. Omo okuti wa kuatele onima yiwa vuviali waye Embimbiliya li popia hati: “Ka kua kaile osoma ya lisoka laye kolosoma vio livangele okuti, ya tiuka ku Yehova lutima waye wosi, lomuenyo waye wosi kuenda longusu yaye yosi poku pokola Kovihandeleko viosi via Mose; noke liaye, ka kua kaile osoma ya lisoka laye.”—2 Olosoma 23:19-25.
Ongangu yiwa Yosiya a lekisa, yi pondola oku kuatisa vana okuti vokuenda kutila wavo, va liyaka lovitangi vialua! Nye tu lilongisila kongangu yaye? Nye ca kuatisa Yosiya oku nõla onjila ya sunguluka loku yi kuama?
9–15 YA SUSU
OVOKUASI A SANGIWA VONDAKA YA SUKU | 2 OLOSOMA 24–25
“Ku ka Ivaleko Otembo tu Kasi”
Eteke Lia Yehova Liesombiso Likasi Ocipepi!
2 Upange wuprofeto Sofoniya woku sapula ocitumasuku, wa kuatisa vali enene umalẽhe Yosiya oku limbuka esukila lioku yelisa o Yuda oco ka mu ka kale vali efendelo lia vĩha. Pole, ovilinga via Yosiya vioku yelisa ofeka oco ka mu ka kale vali etavo liesanda, ka via tẽlele oku malako undingãivi wosi womanu, kuenda ka via tẽlelevo oku tuvika akandu asekulu yaye Soma Manase, una ‘wa yukisile o Yerusalãi losonde yava ka va kuete eko.’ (2 Olosoma 24:3, 4; 2 Asapulo 34:3) Omo liaco, eteke liesombiso lia Yehova lia kala muẽle lokuiya.
Atosi Avelapo Velivulu Lia Yeremiya
Ca kala kunyamo wo 607 K.K. Otembo yaco Sedekiya wa tẽlisa eci ci soka 11 kanyamo kuviali waye. Tunde eci Nevukandesa Soma yo Bavulono a ñuala ocingonja o Yerusalãi papitile ale ci soka 18 kolosãi. Keteke liepanduvali kosãi yatãlo kunyamo wekũi lecea wa soma Nevukandesa, Nevusaradana kesongo kasualali velombe, weya ko Yerusalãi. (2 Olosoma 25:8) Eye omo okuti, wa kala kosamua yovimbaka vio Yerusalãi, wa sandiliya uloño woku iñila vimbo. Eci papita oloneke vitatu keteke liekũi, wa iñila vo Yerusalãi. Kuenje wa yoka olupale luaco.—Yeremiya 52:12, 13.
Ovina vi Sangiwa Vembimbiliya
Atosi Avelapo Velivulu Liavali Liolosoma
24:3, 4. Omo liekandu lia Manase lioku pesela osonde, ‘Yehova ka tavele oku ecela va Yuda.’ Yehova wa sumbila osonde yomanu va lipua. Omo liaco, tu sukila oku kolela okuti, Eye o ka yambula olondingaĩvi viosi via siata oku pesela osonde yomanu vaye.—Osamo 37:9-11; 145:20.
16–22 YA SUSU
OVOKUASI A SANGIWA VONDAKA YA SUKU | 1 ASAPULO 1–3
“Embimbiliya—Elivulu Liovolandu Ocili”
Anga hẽ Adama la Eva va Kalako Muẽle?
Kũlĩhĩsa, ovolala wa vakukululu va va Yudea a sonehiwa Kelivulu Liatete Liasapulo, oku upisa kocipama 1 toke 9 kuenda Kevanjeliu lia Luka ocipama 3. Vovikoti viaco via lomboluiwa ciwa, mua kongela 48 kuenda 75 kovitumbulukila. Velivulu lia Luka mu sangiwa ocikoti ca Yesu Kristu; kuenda velivulu Liasapulo mu sangiwa ulala wolosoma kuenda wovitunda viepata lio Isareli. Vovolala avali mua kongela olonduko viomanu vana va kũlĩhĩwile calua ndeci, Salomone, Daviti, Yakoba, Isaque, Avirahama, Noha oku sulako Adama. Omanu vosi va tukuiwa ndeti, va kalako muẽle kuenda umue pokati kavo wa tukuiwa vovikoti vivali, Adama.
Ulandu wa Noha Kuenda Wetande Wocili
Vembimbiliya mu sangiwa ovolandu avali a lekisa okuti Noha ka kaile omunu woku luvikiya. (1 Asapulo 1:4; Luka 3:36) Esera la Luka, va konomuisa ciwa ulandu waco oco va sonehe ocikoti cepata liaco. Luka wa lekisa okuti Yesu Kristu wa citiwila kocikoti ca Noha.
Anga hẽ Adama la Eva va Kalako Muẽle?
Ndeci, kũlĩhĩsa elongiso limue Liembimbiliya li soliwe calua lomanu vakuetavo okuti, ocisembi. Ndomo elongiso liaco li lekisa, Yesu Kristu wa eca omuenyo waye wa lipua ndocisembi oco a yovole omanu kakandu avo. (Mateo 20:28; Yoano 3:16) Ndomo tua ci kũlĩha, ocisembi ofeto yondando yimue yi likuata yoku yovola, ale yoku landa vali cimue ca pumbiwile, ale oku tambuiwa. Eli olio esunga lieci Embimbiliya li tukuila Yesu ‘ndocisembi ci li kuata coku yovola.’ (1 Timoteo 2:6) Pamue o lipula ndoco: Ci li kuata le? Embimbiliya li tambulula ndoco: “Ndeci ku Adama vosi va fa, vosi va ka muilavo omuenyo vu Kristu.” (1 Korindo 15:22) Omuenyo wa lipua Yesu a eca oco a yovole omanu vakuepokolo, u likuata lowu Adama a pumba omo liekandu a linga vocumbo Cedene. (Va Roma 5:12) Ocili okuti, nda Adama ka kaileko, ocisembi ca Kristu nda ka ca kuatele esilivilo.
Ovina vi Sangiwa Vembimbiliya
Perspicaz-1 kem. 1040 ocin. 1-2
Ocikoti
Olonduko Viakãi. Akãi va enda oku tukuiwa olonjanja vimue vulala wovikoti, eci kua kala esunga lioku ci linga. Elivulu Liefetikilo 11:29, 30, li tukula Sarai (Sara) omo okuti, ombuto ya likuminyiwile ya laikele oku tunda kokuaye, pole, pocakati cukãi ukuavo wa Avirahama hakoko. Citava okuti Milika wa tukuiwa vulandu waco omo a kala inakulu ya Rebeka ukãi wa Isaque, loku lekisa okuti, ocikoti ca Rebeka ca tunda kepata lia Avirahama omo okuti Isake ka ponduile oku kuata ukãi wo kolofeka vikuavo. (Eft 22:20-23; 24:2-4) Kelivulu Liefetikilo ocipama 25:1, ku tukula onduko ya Ketura una weya oku kala noke ukãi wa Avirahama. Eci ci lekisa okuti Avirahama weya oku kuela vali noke yolofa via Sara kuenda handi wa ponduile oku cita vali omãla vokuenda kueci ci pitahãla 40 kanyamo noke lia Yehova oku linga ocikomo coku tumbulula uyali waye. (Rom 4:19; Eft 24:67; 25:20) Ci sitululavo ukamba wepata lia kala pokati ka va Midiane lovikoti vikuavo vio Arabia kumue la va Isareli.
Kua tukuiwavo Lea, Rahele kuenda akama va Yakoba kumue lomãla ovo va cita. (Eft 35:21-26) Eci ci tu kuatisa oku kuata elomboloko liukamba Suku eya oku kuata lomãla vaco. Handi vali, omo liasunga amuamue, vulala wovikoti tu sangamo olonduko viakãi vakuavo. Citava okuti, olonduko viavo via kongeliwilemo poku tepaisa ovipiñalo. (Ate 26:33) Ocili okuti, Tamara, Rahava kuenda Rute va tukuiwavo. Konepa lonepa va tukuiwa, kuli ondimbukiso yimue yi lekisa okuti, ovo va tiamelẽle muẽle kocikoti kua laikele oku tunda Mesiya, Yesu Kristu. (Eft 38; Rut 1:3-5; 4:13-15; Mat 1:1-5) Ovolandu akuavo a tukula olonduko viakãi vi kasi vulala wovikoti, u sangiwa kelivulu 1 Asapulo 2:35, 48, 49; 3:1-3, 5.
23–29 YA SUSU
OVOKUASI A SANGIWA VONDAKA YA SUKU | 1 ASAPULO 4–6
“Olohutililo Viange vi Situlula Nye Catiamẽla Kokuange”?
“Ukuakuyeva Olohutililo”
Yavesi citava okuti wa kuata ocituwa coku likutilila. Eye wa fetika oku likutilila poku pinga ku Suku oco o sumũlũise. Noke wa linga apingilo atatu a situlula okuti, wa kuata utima umue wekolelo.
Tete, Yavesi wa livondela ku Suku oco a ‘luise ocikanjo caye.’ (Ocinimbu 10) Ulume waco wa sumbiwa, ka kaile ukuacipululu; eye ka kuatele ocituwa coku tambula olosi via tiamẽlele ku vakuavo. Epingilo liaye lia lingiwa lutima wosi, citava okuti lia kuata vali elitokeko lomanu. Pamue Yavesi wa kala oku pinga lombembua oco Suku a luise ocikanjo caye oco okuti, afendeli valua va Suku va kalamo.
Cavali, Yavesi wa livondela oco “eka” lia Suku li kaile laye. Eka liocindekaise lia Suku, li lomboloka unene waye a siata oku talavaya lawo, oco a kuatise afendeli vaye. (1 Asapulo 29:12) Oco olonjongole via Yavesi vi tẽlisiwe, wa likutilila ku Suku una okuti, eka liaye halimbumbuluko koku kuatisa vana vo kolela.—Isaya 59:1.
Catatu Yavesi wa likutilila hati: ‘Ndi teyuile kocilunga oco ka ci ka ndi nenele epese.’ Ondaka yokuti “oco ka ci ka ndi nenele epese,” pamue yi lomboloka okuti Yavesi ka likutilile oco ka ka lipite locilunga, pole wa likutilila oco ka ka sumue calua omo lionima yi tunda kovina vĩvi.
Vohutililo Yavesi a linga, wa lekisa ekolelo Kukuakuyeva ohutililo kuenda wa sakalalele lefendelo liocili. Yehova wa tambulula ndati? Ulandu waco u malusula lolondaka viokuti: “Omo liaco, Suku wa eca eci eye a pingile.”
Ovina vi Sangiwa Vembimbiliya
Atosi Avelapo Velivulu Liatete Liasapulo
5:10, 18-22. Koloneke via Soma Saulu, apata a kala kombuelo yolui Yordão, va yulile va Hagare. Pole, va Hagare va luile calua okuti, apata aco ci sule. Ovo va tẽla oku va yula omo lioku kolela ku Yehova kuenda oku sanda ekuatiso liaye. Etu tu sukila oku kuama ongangu yavo. Osimbu tu amamako luyaki wetu kespiritu, tu sukilavo oku kolela ku Yehova loku pinga ekuatiso liaye.—Va Efeso 6:10-17.
30 YA SUSU–5 YA KAYOVO
OVOKUASI A SANGIWA VONDAKA YA SUKU | 1 ASAPULO 7–9
“O Pondola Oku Tẽlisa Ovopange ka a Lelukile Lekuatiso Lia Yehova”
Atosi Avelapo Velivulu Liatete Liasapulo
9:26, 27. Va Lewi vana va kala koku lava olombundi vionembele, va kuatele ocikele cinene. Momo va kala lolosapi vioku iñila kocitali ci kola. Ovo va kuatele ocikele coku yikula olombundi viaco eteke leteke. Etu tua tambulavo ocikele coku kundila omanu vosi va kasi vocikanjo cetu. Kuenda oku va kuatisa oco va fendele Yehova. Omo liaco, tu sukila oku amamako locikele cetu, ndeci va Lewi va lingile.
O Pondola hẽ Oku Kala Nda Finehase Poku Liyaka Lovitangi?
Finehase wa kuata ocikele cinene coku songuila va Isareli, pole wa sukilile oku lekisa utõi, olondunge loku kolela ku Suku, oco o kuatise oku liyaka lovitangi. Alikolisilo a Finehase oku tata omanu va Yehova Suku, o kuatisa oku taviwa laye. Eci pa pita ci soka 1.000 kanyamo, Esera wa vetiyiwa oku soneha ndoco: “Finehase, omõla a Eleasara, eye wa linga usongui wavo konahũlu, kuenje Yehova wa kaile laye.” (1 Asa. 9:20) Omo liaco, ci kale vana va kuete ocikele coku songuila Akristão koloneke vilo, kuenda vamanji vakuavo, vosi yavo, va sukila oku vumba Suku lesunguluko.
Ovina vi Sangiwa Vembimbiliya
Tu Imbili Yehova Ovisungo!
6 Vonduko yovaprofeto, Yehova wa handelekele afendeli vaye oku u sivaya lovisungo. Olonjimbi viepata liovitunda ka via lingaile upange una wa eciwile ku va Lewi oco va kuate otembo yoku imba loku pitolola ovisungo viaco.—1 Asa. 9:33.
6-12 YA KAYOVO
OVOKUASI A SANGIWA VONDAKA YA SUKU | 1 ASAPULO 10–12
“Pamisa Onjongole Yove Yoku Linga Ocipango ca Suku”
“Ndongise Oku Linga Ocipango Cove”
12 Tu sukila oku kuama ongangu ya Daviti, momo wa kapeleko Ovihandeleko via Yehova, kuenda wa lekisa epokolo. Tu kũlĩhĩsi ulandu Daviti a pita lawo eci a yonguile ‘oku nyua ovava a tunda vocisimo ca kala ko Beteleme.’ Asualali vaye vatatu, va kapele omuenyo wavo kohele, omo lioku enda volupale lua kala peka lia va Filisiti muna va ka tapele ovava. Pole, ‘Daviti ka tavele oku a nyua, kuenje, wa a pesila kovaso a Yehova.’ Momo lie a ci lingila? Eye wa lombolola hati: “A Suku yange, si pondola oku ci linga. Anga hẽ ndi nyua osonde yalume ava va kapele kohele omuenyo wavo? Momo eci va kopile ovava aco, va kapa kohele omuenyo wavo.”—1 Asa. 11:15-19, NW.
13 Daviti wa kũlĩhĩle Ocihandeleko ca popia hati, ka citava oku lia osonde, pole, yeciwa ku Yehova. Eye wa kuata elomboloko lieci a sukilile oku ci linga. Daviti wa kũlĩhĩle okuti, “omuenyo wetimba u kasi vosonde.” Ulandu waco ka u lombolola osonde, pole, watiamẽla kovava. Momo lie Daviti ka tavelele oku nyua ovava aco? Momo wa kũlĩhĩle ocihandeleko catiamẽla kosonde. Daviti wa kũlĩhĩle okuti, ovava aco a kuete esilivilo lia velapo ndosonde yalume vatatu. Eli olio esunga lieci ka tavelele oku nyua ovava, kuenje, wa va pesila posi.—Ovis. 17:11; Esin. 12:23, 24.
w06/18 kem. 17 ocin. 5-6
Ecelela Okuti Ovihandeleko Kuenda Olonumbi Via Suku vi Pindisa Owanji Wutima Wove
5 Nda tu yongola okuti ovihandeleko via Suku vi tu kuatisa, ka tu sukila lika oku vi tanga ale oku vi kũlĩha. Tu sukila oku vi sola kuenda oku vi sumbila. Embimbiliya li tu sapuila hati: “Suvuki evĩho, soli esunga.” (Amosi 5:15) Pole, tu pondola oku ci linga ndati? Tu sukila oku lilongisa oku kuata ovisimĩlo ndevi via Yehova. Kũlĩhĩsa ocindekaise eci. Sokolola ndu okuti ku kasi oku pekela ciwa kuenje ndotolo umue o ku sapuila hati, o sukila oku litekula lokulia ku nena uhayele, oku pindisa etimba kuenda oku linga apongoloko amue vomuenyo wove. Ove o kuama olonumbi viaye kuenje ci ku kuatisa! Nye o sima catiamẽla konumbi ya ndotolo?
6 Cimuamue haico okuti, Ululiki wetu wa siata oku tu ĩha ovihandeleko vi tu teyuila kovina vĩvi vi tunda kekandu kuenda oku mioñolola omuenyo wetu. Ndeci, Embimbiliya li tu longisa okuti tu sukila oku yuvula oku kemba, elimbi, oku nyana, evĩho liukahonga, ungangala, ale ovina viosi viatiamẽla kolondele. (Tanga Olosapo 6:16-19; Esi 21:8) Eci tu mola onima yi tunda koku pokola ku Yehova, ocisola tu u kuetele kuenda ocisola tu kuetele ovihandeleko viaye, vi livokiya.
Ovina vi Sangiwa Vembimbiliya
Perspicaz-1 kem. 556 ocin. 6-7
Utima
Oku Vumba “Lutiwa Wosi.” Utima u sukila oku suapo oco u talavaye ciwa, pole, utima wocindekaise u pondola oku tepiwa. Daviti wa likutilila hati: “Ñuatise oku sumbila onduko yove lutima wosi,” ci lekisa okuti utima womunu umue u pondola oku tepiwa omo liovina a sole kuenda usumba. (Os 86:11) Omanu vaco va pondola oku kuata utima wa “tepiwa” kuenje va kala vakuakalendewuya vefendelo lia Suku. (Os 119:113; Esi 3:16) Omunu umue o pondola oku kuata “utima wa tepiwa” (okuti utima umue kuenda utima ukuavo), poku seteka oku vumba vacime vavali, ale oku popia ocina cimue cuhembi, osimbu okuti o sokololola ocina cikuavo. (1As 12:33; Os 12:2, etosi) Yesu wa pisa ocituwa caco cĩvi combambe.—Mat 15:7, 8.
Omunu wosi o sanda oku sanjuisa Suku, ka citava okuti o kala ukuavitiwa vivali, ale oku kuata utima wa tepiwa, pole, o sukila oku u vumba lutima wosi. (1As 28:9) Poku ci linga, mua kongela oku likolisilako momo utima wa piãla kelimbi kuenda u yongola lika oku linga eci civĩ. (Yer 17:9, 10; Eft 8:21) Ovina vimue vi kuatisa oku kuata utima wa sokapo vievi: Ohutililo yi lingiwa lutima wosi (Os 119:145; Asi 3:41), oku lilongisa Ondaka ya Suku oloneke viosi, (Ese 7:10; Olo 15:28), oku lekisa ombili kupange woku kunda olondaka viwa, (sokisa Yer 20:9) kuenda oku kala la vamanji vana okuti va vumba Yehova lutima wosi.—Sokisa 2Ol 10:15, 16.
13-19 YA KAYOVO
OVOKUASI A SANGIWA VONDAKA YA SUKU |1 ASAPULO 13–16
“Oku Pokola Kolonumbi ci Nena Onima Yiwa”
Anga hẽ Ove o Pula, “Yehova o Kasi pi?”
12 Noke eci ocikasia covisila cambatiwa vali ko Isareli loku ci seleka ko Kiriyata-Yeari vokuenda kuanyamo alua, Soma Daviti wa yonguile oku ci tumisa ko Yerusalãi. Eye wa kũlĩhĩsa asongui vomanu kuenda wa popia okuti ‘nda ca sunguluka kokuavo kuenda ci taviwa la Yehova,’ Ocikasia nda ci tumiwa. Pole, ka kũlĩhĩsile ciwa ocipango ca Yehova catiamẽla kondaka yaco. Nda wa ci lingile, Ocikasia nda ka cambatiwilile vokalosa, pole, nda cambatiwila kapepe a va Lewi va koata, ndomo Suku a ecele ale olonumbi viaco. Ndaño okuti Dativi wa enda ale oku pinga ku Yehova, vepuluvi eli ka ci lingile lonjila yimue ya sunguluka. Ka kuatele onima yiwa. Noke Daviti wa limbuka loku popia hati: “Onyeño ya Yehova Suku yetu ya tu wengukila momo ka tua kuamẽle olonumbi viaye.”—1 Asapulo 13:1-3; 15:11-13; Atendelo 4:4-6, 15; 7:1-9.
Anga hẽ Ove o Pula, “Yehova o Kasi pi?”
13 Eci Ocikasia cambatiwa la va Lewi poku cupa konjo ya Ovede-Edome loku cambata ko Yerusalãi, kua imbiwa ocisungo cimue ca sonehiwa la Daviti. Vocisungo caco mua kongelele olondaka vimue via popiwa lutima wosi viokuti: “Sandi Yehova kuenda ongusu yaye. Sandi ocipala caye otembo yosi. Ivaluki ovopange a komõhisa eye a linga, ovikomo viaye kuenda asombiso a tukula.”—1 Asapulo 16:11, 12.
Ovina vi Sangiwa Vembimbiliya
Fendela Yehova Soma Yonahũlũlua
14 Daviti wa nena ocikasia covisila ko Yerusalãi. Vokuenda kuotembo yaco yesanju, va lewi va imba o cisungo cesivayo mua kongelele olondaka vi sangiwa kelivulu lia 1 Asapulo 16:31, ku popia hati: “Va sapule kolofeka vati: ‘Yehova o viala!’” Pamue omunu umue o pula ndoco: ‘Nda Yehova eye Soma yonahũlũlua, ndamupi a linga Osoma kotembo yaco?’ Eye wa linga Osoma eci a lekisa unene waye ale ceci a nõla umue oco a linge onumiwa yaye. Oku kũlĩha okuti Yehova eye Soma, ci kuete esilivilo lialua. Osimbu Daviti ka file, Yehova wo likuminyile hati, usoma waye u ka amamako otembo ka yi pui poku u sapuila hati: “Noke ñatula omõlove wa tunda koviongo viove muẽle kuenje numalisa uviali waye.” (2 Sam. 7:12, 13) Ohuminyo yaco, ya tẽlisiwa eci pa pita ci pitahãla 1000 kanyamo noke yoku tukuluka ‘kuomõla’ a Daviti. Helie wa kala omõlaco kuenda otembo yipi a linga Osoma?
20-26 YA KAYOVO
OVOKUASI A SANGIWA VONDAKA YA SUKU | 1 ASAPULO 17-19
“Amamako Oku Sanjukila Ovina o Tẽla Oku Linga”
Limbuka Esumũlũho Lioku Kala Vocisoko ca Yehova
DAVITI woko Isareli, wa tukuiwa calua Vovisonehua via va Heveru. Eye wa kala ungombo wolomeme, wa enda oku sika ovisikilo, wa kala uprofeto, haeye osoma. Kuenda wa lekisile ekolelo lialua ku Yehova. Omo liukamba a kuatele la Yehova, wa yonguile oku u tungila onembele oco yi kale ocitumãlo cefendelo liocili ko Isareli. Eye wa kũlĩhĩle okuti, onembele yaco kuenda upange u lingiwilamo, u nena esanju lesumũlũho komanu va Yehova. Omo liaco, wa imba ocisungo hati: “Omunu ove o nõla u pitisa ocipepi, okuti, o tunga vovitali viove eye wa sumũlũha. Tu [sanjukila] uwa wonjo yove, haiyo onembele yove yi kola.”—Osamo 65:4.
w08/21 kem. 23 ocin. 11
Sanjukila Ovina o Tẽla Oku Lingila Yehova
11 Tu pondola oku kuata esanju lialua eci tu likolisilako oku linga eci tu tẽla kovikele viosi tu kuete kupange wa Yehova. “Litumbika lutima wosi” kupange woku kunda kuenda koku linga ovopange ekongelo. (Ovil 18:5; Va Hev 10:24, 25) Pongiya ciwa ovipama viohongele, oco o tẽle oku eca atambululo a pamisa. Tẽlisa ovipama viosi o kuete vekongelo vokati kosemana. Nda wa lalekiwa oku kuatisa kupange umue vekongelo, u tẽlisa kuenda kala omunu umue wa koleliwa. Ku ka tende ovopange aco ndu okuti o kasi oku pesela otembo. Likolisilako oku loñoloha kupange wove. (Olosap 22:29) Nda wa litumbika ciwa kovopange a Yehova loku tẽlisa ovikele vialio, o ka kula lonjanga konepa yespiritu kuenda esanju liove li ka li vokiya calua. (Va Gal. 6:4) Handi vali, ci ka leluka kokuove oku sanjukila vakuẽle nda va tambula ocikele cina ove wa yonguile oku kuata.—Va Rom. 12:15; Va Gal. 5:26.
Ovina vi Sangiwa Vembimbiliya
w02/20 kem. 12, pokakasia
Tu Sole Calua Isietu Yehova
Anga hẽ Yehova wa Ñulĩha Ciwa?
Anga hẽ wa lipulile ale ndoco: ‘Pokati kolohuluwa viomanu vi kasi palo posi momo lie Yehova a ndi nõlela?’ Omanu valua va lipulavo ndoco. Soma Daviti wa soneha hati: “A Yehova, omunu hẽ nye okuti o wivaluka, pamue omõla omunu okuti u sokolola?” (Osa. 144:3) Daviti wa kolelele okuti Yehova wo kũlĩha ciwa. (1 As. 17:16-18) Kuenje Yehova pocakati Condaka yaye locisoko caye, o lekisa kokuove okuti o lete ocisola ove o lekisa kokuaye. Kũlĩhĩsa olonumbi vimue Vondaka yaye vi pondola oku ku kuatisa oku kolela okuti:
• Yehova wa ku mola osimbu handi kua citiwile.—Osa. 139:16.
• Yehova wa kũlĩha eci ci kasi vutima wove kuenda wa kũlĩhavo ovisimĩlo viove.—1 Asa. 28:9.
• Yehova o yevelela olohutililo viosi ove o linga.—Osa. 65:2.
• Ovilinga viove vi pondola oku sumuisa, ale oku sanjuisa Yehova.—Olosap. 27:11.
• Yehova wa ku kokela kokuaye.—Yoano 6:44.
• Ndaño ove wa fa, Yehova wa ci kũlĩha kuenda o ka ku pindula. Eye o ka tumbulula etimba liove kuenda olondunge viove lemolẽho lietimba liove.—Yoano 11:21-26, 39-44; Ovilinga 24:15.
27 YA KAYOVO–5 YELOMBO
OVOKUASI A SANGIWA VONDAKA YA SUKU | 1 ASAPULO 20-22
“Kuatisa Amalẽhe Oco va Kuate Onima Yiwa”
w01/17 kem. 28 ocin. 8
“Ovina Viaco vi Kundika Kalume va Koleliwa”
8 Tanga 1 Asapulo 22:5. Citava okuti Daviti wa simĩle okuti Salomone ka ponduile oku songola upange waco wa kuatele esilivilo lia velapo. Onembele yaco ya sukilile oku “posoka ca piãla,” kuenda Salomone “umalẽhe handi, ka kolele.” Pole, Daviti wa kũlĩhĩle okuti Yehova wa ponduile oku kuatisa Salomone oku linga upange waco ulikasi. Omo liaco, Daviti wa likolisilako oco a kuatise kupange waco.
w01/17 kem. 28 ocin. 7
“Ovina Viaco vi Kundika Kalume va Koleliwa”
7 Ocili okuti, Daviti wa yonguile oku tunga onembele ya Yehova, citava okuti eye wa sumũile calua. Pole, wa kuatisa calua kupange omõlaye Salomone a laikele oku songola. Daviti wa kuatisavo oku ongotiya olonalavayi loku ongolola utale, osipi, opalata, ulu kuenda avaya. Eye ka kuatele esakalalo poku kũlĩha omunu wa laikele oku kuata oluhimo omo lioku tunga onembele yaco, pole, noke yeya oku kũlĩhĩwa okuti onembele ya Salomone. Pole, Daviti wa vetiya Salomone poku popia hati: “Amolange, Yehova a kale love, oco o sumũlũhe. Tunga onjo ya Yehova Suku yove, ndomo a ku ci popela.”—1 Asapulo 22:11, 14-16.
w03/18 kem. 11-12 ocin. 14-15
Alonjali, vu Kasi hẽ Oku Kuatisa Omãla Vene Oku Loñoloha Kespiritu Oco va Papatisiwe?
14 Akulu vekongelo va pondola oku kuatisa olonjali oku kuata ovisimĩlo via sunguluka eci va sapela lomãla vavo catiamẽla koku kuata ovimãho kupange wa Yehova. Manji umue ukãi ivaluka olondaka manji Russell o sapuilile eci a kuata epandu kanyamo. Eye hati: “Manji Russell wa sapela lame 15 kakukutu catiamẽla kovimãho viange viespiritu.” Onima yipi manji a kuata? Noke yotembo yimue manji wa linga ukundi wotembo yosi kuenda wa amamako ci pitahãla 70 kanyamo! Ocili okuti, olondaka via sunguluka havio vi vetiya vi pondola oku kuatisa omunu vokuenda kuomuenyo waye wosi. (Olosapo 25:11) Akulu vekongelo va pondolavo oku laleka olonjali lomãla oco va kuatise kovopange amue Vonjango Yusoma. Ovo va pondola oku pinga komãla oco va linge ovina vi likuata lutunga wavo kuenda uloño wavo.
15 Vamanji vakuavo vekongelo va pondola oku kuatisa ndati? Va ci linga poku kapako amalẽhe. Ndeci, o pondola oku luluvalela kovina amalẽhe va kasi oku linga vi lekisa okuti va kasi oku pamisa ukamba wavo la Yehova. Anga hẽ omõla umue wa tambulula ciwa kohongele, ale wa linga ciwa onepa yimue kohongele yo vokati kosemana? Eye wa kundila umue kosikola, ale wa linga ovina via sunguluka eci a setekiwa? Nda oco, u pandiya! Tu pondola oku kuata ocimãho coku sapela lamalẽhe osimbu olohongele ka via fetikile kuenda noke yolohongele. Nda tua ci linga, tu kuatisa omãla oku limbuka okuti va panga onepa “vekongelo linene.”—Osamo 35:18.
Ovina vi Sangiwa Vembimbiliya
Atosi Avelapo Velivulu Liatete Liasapulo
21:13-15. Yehova wa tuma ungelo oco a imule efengi, omo liohenda a kuatela omanu vaye. Ocili okuti, ‘ohenda ya Yehova yalua.’