ELILONGISO 20

Malusula Ciwa

Ukundi 12:13, 14

CECI O SUKILA OKU LINGA: Olondaka viove vioku malusula, te vi vetiya olonjeveleli oku tava kuenda oku kapako eci via lilongisa.

Tokekisa olondaka vioku malusula losapi yosi. Pitulula atosi a velapo kuenda osapi yaco.
Vetiya omanu. Lekisa komanu eci va sukila oku linga kuenda esunga lieci va sesamẽlela oku ci linga. Vangula lonjila yi situlula okuti wa kolela kueci o kasi oku popia kuenda ovina viaco vi kuete esilivilo.
Malusula lonjila ya leluka haiyo yi teta onimbu. Ku ka tukule atosi akuavo a velapo. Vangula loku teta onimbu nda ci sukiliwa kuenje tukula olondaka via sulako lonjila yi vetiya.

Poku malusula, ku ka vangule lonjanga yalua kuenda ku ka tepulule ocileñi condaka yove okuti, noke ka yi yevala vali. Olondaka via sulako te vi situlula okuti o kasi oku malusula.