Amamiko Lomunga Vekongelo

Eci tu kasi pokati ka vamanji, tu liyeva nda Soma Daviti wa popia hati: “Ciwa cimue kuenda ca posoka muẽle, eci vamanji va tunga pamosi vomunga!” (Olosamo 133:1) Omunga yetu ka yi tukuluka ño ocipikipiki. Omunu lomunu pokati ketu o sukila oku kuatisa oco yamameko.

1. Nye ca siata calua pokati kafendeli va Suku?

Nda wenda kohongele yimue yekongelo kofeka yikuavo, ndaño okuti pamue ku kuete elomboloko lielimi liaco, pole, volonjila vialua o ka liyeva okuti wa kolapo kuenda o soliwe. Momo lie? Momo tu lilongisa Embimbiliya poku kuama alivulu amuamue kolonepa viosi. Tua siatavo oku likolisilako oku lekisa ocisola komunu lukuavo. Kuosi tu sangiwa, vosi yetu tu ‘vilikiya onduko ya Yehova, loku u fendela lomunga.’—Sofoniya 3:9, etosi.

2. Nye o sukila oku linga oco o kuatise koku likuata omunga?

“Lisoli pokati omunu lukuavo lutima wosi.” (1 Petulu 1:22) O kapako ndati elungulo eli? Poku tiamisila utima kovituwa viavo viwa okuti, kakulueya avo hakoko. Ku ka linge lika ukamba la vana vu soli ovina vimuamue, seteka oku kũlĩha vamanji vakuavikoti via litepa. Tu sukilavo oku likolisilako oku upa ocisimĩlo cosi coku lekisa ocame.—Tanga 1 Petulu 2:17.a

3. Nye o linga nda o kuete ocitangi la manji umue?

Tu likuete omunga, pole, ka tua lipuilevo. Olonjanja vimue tu sumuisiwa, ale tu li sumuisa pokati. Omo liaco, Ondaka ya Suku yi tu vetiya oku ‘amamako . . . oku liecela pokati’ kuenda yamisako hati: “Ndeci Yehova o weceli lutima wosi, cimuamue haico vu linga.” (Tanga Va Kolosai 3:13.) Tua siata oku sumuisa Yehova olonjanja vialua, pole, ndaño ndoco, wa siata oku tu ecela. Omo liaco, eye o lavoka okuti, tu ecelavo vamanjetu. Nda wa limbuka okuti wa sumuisa umue, nõlapo oku potolola ocitangi caco.—Tanga Mateo 5:23, 24.b

LILONGISA ONDONGOSI

4. Yula ocame

Etu tu yongola oku sola vamanji vosi vekongelo. Pole, tu sukilavo oku likolisilako oku tava omunu una o molẽha okuti wa litepa letu. Nye ci tu kuatisa? Tanga Ovilinga 10:34, 35, noke konomuisa apulilo a kuãimo:

• Yehova o tava omanu vosi oku kala Olombangi viaye. O pondola oku u setukula ndati konjila ndomo o liyeva la vana va litepa love?

• Ocituwa cipi colonepele ca siata posongo o kasi o yongola oku yuvula?

Tanga 2 Va Korindo 6:11-13, noke konomuisa epulilo li kuãimo:

• O lilongisa ndati oku sola vamanji vosi vakuavikoti via litepa?

5. Ecela lutima wosi kuenda tumbulula ombembua

Yehova o tu ecela lutima wosi, ndaño okuti eye lalimue eteke a sukilile ongecelo yetu. Tanga Olosamo 86:5, noke konomuisa apulilo a kuãimo:

• Nye ocinimbu eci ci popia catiamẽla kongecelo ya Yehova?

• Momo lie ecela olopandu omo liongecelo yaye?

• Ovina vipi vi tu tateka oku tumbulula ombembua la vakuetu?

Tu setukula ndati Yehova kuenda oku amamako lomunga la vamanji? Tanga Olosapo 19:11, noke konomuisa epulilo li kuãimo:

• Nda umue wa ku temisa, ale wa ku sepula, nye nda wa linga oco o tetulule ocitangi caco?

Olonjanja vimue tu sumuisa vakuetu. Nda oco ca pita, nye tu sukila oku linga? Tala OVIDEO, noke konomuisa epulilo li kuãimo.

OVIDEO: Oku Linga Ombembua ci Nena Asumũlũho (6:01)

• Ndeci ca lekisiwa vovideo, nye manji ukãi a linga oco a tumbulule ombembua?

6. Sanda eci ciwa ku vamanji

Nda tu kũlĩha ciwa vamanjetu, tu limbuka ovituwa viavo viwa kuenda ahonguo avo. Tu tiamisila ndati utima kovituwa viavo viwa? Tala OVIDEO, noke konomuisa epulilo li kuãimo.

OVIDEO: Kala Omunu Umue o Kuete Ovisimĩlo Via Sunguluka! (5:10)

• Nye ci ku kuatisa oku limbuka ovituwa viwa via vamanjove?

Yehova o luluvalela kovituwa vietu viwa. Tanga 2 Asapulo 16:9a, noke konomuisa epulilo li kuãimo:

• O liyeva ndati poku kũlĩha okuti Yehova o tiamisila utima kovituwa viove viwa?

NYE WA LILONGISA?

O pondola oku kuatisa koku amamako lomunga vekongelo poku kala ukuakuecela, loku lekisa ocisola ku vamanji vosi.

Oku Pitulula

• O yula ndati ocame?

• Nye o linga nda o kuete ocitangi la manji umue?

• Momo lie o sukilila oku setukula ongangu ya Yehova yoku ecela vakuene?

OCO O KŨLĨHE OVINA VIKUAVO

Kũlĩha ndomo olusapo lumue lua Yesu lu tu kuatisa oku yuvula oku pisa vakuetu.

Upa Ohangalo Viso Liove (6:56)

Tu sukila hẽ ongecelo nda tua kũlĩha okuti ka tua lingile cimue cĩvi?

“Oku Pinga Ongecelo Oyo Osapi Yoku Sanda Ombembua” (Utala Wondavululi 1 wa Kuvala 2002)

Tala ndomo alume vavali va kulila volupale lumue mua kala olonepele viekova va lilongisa oku li sola pokati.

Johny Kuenda Gideon: Kosimbu va Kala Ovanyãli, Cilo Vamanji (6:42)

Lilongisa olonjila vi ku kuatisa poku liyaka lovitangi osimbu ka via nyõlele ombembua vekongelo.

“Tetululi Ovitangi Locisola” (Utala Wondavululi wa Kupemba 2016)