2 Cróniche

4 Ezechia anca el ga mandà che le persone che le era de star in Gerusalen le ghe desse ai sasserdoti e ai leviti la parte che i gavea dirito. Cossita, lori i podaria dedicarse tuto el tempo ala lege de Geovà. 5 Pena dopo che i israeliti i ga scoltà la òrdine del rè, i ga portà una mùcia dei so primi grani, del vin pena fato, del òio, del miel e de tuto quel che vien su nei campi. I ga portà la dèssima parte de tuto e i ga portà pròpio tanto. 6 Anca quei de Israel e de Giudà che i era de star nele cità de Giudà i ga portà la dèssima parte dei boi e dele piégore e la dèssima parte dele robe sacre che le ze state santificade par Geovà, so Dio. Quel che lori i ga portà l’è stà una mùcia de robe. 9 Ezechia el ga domandà ai sasserdoti e ai leviti sora quela mùcia de robe, 10 e Azaria, el prinsipal sasserdote, dela casa de Zadoche, el ghe ga rispondesto: “Dopo che i ga scominsià a portar le contribuission ala casa de Geovà, le persone le ze drio magnar fin che basta e ancora vansa tanto, parché Geovà l’è drio benedirli. E ancora ga vansà tuto quel lì.”