1 Corinti

13 Se mi parlo nele léngue dei òmini e dei àngeli, ma no go mia amor, son come un toco de lata che fà bordel o come i piati de rame che i fà bacan quando i se bate. 2 E se mi go el don de dir professie, de capir tuti i sacri segreti, de saver de tute le robe e se mi go tuta la fede che me fà esser bon fin de mover i monti, ma go no amor, mi no son gnente. 3 Se mi ghe dao tuto quel che go par darghe de magnar ai altri e se sacrifico el me corpo par esser lodà, ma no go amor, no’l serve par gnente. 4 El amor l’è passiente e bon. El amor no l’è geloso, no’l se fà veder, no l’è orgolioso. 5 No’l se comporta de maniera sbaliada, no’l va in serca dei so interessi, no’l resta suito cativo. No’l ghe bada el dano. 6 No’l resta contento cola ingiustìssia, ma el resta contento cola verità. 7 El soporta tute le robe, el crede in tute le robe, el ga speransa in tute le robe, el persevera in tute le robe. 8 El amor no’l se finisse mai. Ma el don de dir professie el sarà finio. El don de parlar in léngue el sarà finio. El don de cognossensa el sarà finio. 13 Ma adesso le resta queste tre robe: la fede, la speransa e el amor. Sol che el pi importante l’è el amor.