Deuteronómio

9 “Scolté, Israel, ancoi te ndarè de questa banda del rio Giordon par la altra banda, rento questa tera. Te ndarè parar via queste nassion che le ze pi grande e pi forte che ti, che le ga grande cità con muri alti che i riva fin el cielo. 2 Queste nassion, i fioi de Anache, le ze un pòpolo forte e alto. Ti te li cognossi e l’è sora lori che te ghè sentio dir: ‘Chi che l’è bon de vinser i fioi de Anache?’ 3 Alora, te pol esser sicuro che Geovà, el to Dio, el ndarà davanti de ti. Lu l’è un fogo che el brusa tuto e va finir fora con lori. Davanti dei to oci, lu el ndarà controlarli e presto te ndarè pararli via e finirli fora, pròpio come Geovà el te ga prometesto. 20 Geovà l’era pronto par copar a Aron, parché l’era tanto inrabià con lu. Ma in quela volta mi go fato sùpliche anca par Aron.