Ati dei Apòstoli

8 Par tre mesi lu l’è ndà nela sinagoga e el ga parlà con coraio sora el Regno de Dio. Lu el fea discorsi e el parlea de una maniera che fea le persone capir e creder. 9 Ma tanti i era testardi e no i volea creder. Lori i parlea mal dela Strada de Dio davanti a tante persone. Alora, lu l’è ndà via e el ga menà con lu i dissìpoli. E tuti i giorni lu el fea discorsi nela scola de Tirano. 10 L’è stà cossita par due ani, fin che tuti quei che i era de star nela provìnsia dela Àsia, sia giudei o grechi, i ga scoltà la parola del Signor. 19 E tanti de quei che i gavea praticà magia i ga portà i so libri e li ga brusadi davanti de tuti. Lori i ga calcolà el valor dei livri e i ga visto che i valea 50.000 monede de argento.